बस पार्क र यातायात कार्यालयबाट १८ जना विचौलियाहरु पक्राउ
-
बिशाल यादब
- today१३ मंसिर २०८१
वीरगंज । बस पार्क र यातायात कार्यालय पर्सा परिसरमा यात्रु तथा सेवाग्राहीलाई दुःख हैरानी दिने १८ जना बिचौलीयाहरूलाई प्रहरीले पक्राउ गरेको छ ।
पटक पटक जनगुनासो आए पछि बिहिवार जिल्ला प्रहरी कार्यालय पर्साबाट खटिएको प्रहरी टोलीले अनुगमनको क्रममा फेला परेका १८ जना विचौलियाहरुलाई पक्राउ गरिएको जनाइएको छ ।
वी.म.न.पा.वडा नं.१६ बसपार्क एरीयामा यात्रुहरूलाई दुख, हैरानी दिने तथा यातायात कार्यालय पर्सा वीरगंजमा आएका सेवाग्राहीहरूलाई काम छिटो छरितो गरिदिन्छु भनी वार्गेनिङ गर्ने, कार्यालय परिसरमा अनाधिकृत रूपमा प्रवेश गरी काम मिलाइ दिन्छु भनी प्रलोभनमा पारी प्रचलित कानून विपरीत अत्याधिक सेवा शुल्क लिने तथा सेवाग्राहीहरूलाई अनावश्यक दुःख हैरानी दिने गरेकाहरुलाई पक्राउ गरिएको जिप्रका पर्साका प्रवक्ता किशोर लम्सालले जानकारी दिनु भयो ।
प्रहरीले यात्रु तथा सेवाग्राहीलाई दुःख दिनेहरु पर्सा जिल्ला विन्दवासिनी गा.पा.वडा नं.१ बस्ने वर्ष २१ को संजिव गुप्ता, वी.म.न.पा.वडा नं.८ बस्ने वर्ष ५१ को बिजय साह, वडा नं.१० रानीघाट बस्ने वर्ष १८ को बजरंगी महतो, बर्ष २२ को राहुल महतो, वर्ष ३८ को बिजय साह, वर्ष २८ को फिरोज खान, भारत विहार जि.मोतिहारी बकतौरा बस्ने वर्ष २५ को जटाशंकर कुमार र रौतहट जिल्ला माधवनारायण न.पा.वडा नं.१ बस्ने वर्ष २५ को नरेश साह सोनार लाई पक्राउ गरिएको प्रहरीले जनाएको छ ।
त्यसै गरी गोरखा जिल्ला गोरखा न.पा.वडा नं.९ बस्ने वर्ष २६ को सुशान्त कुावर, वी.म.न.पा.वडा नं.१० बस्ने वर्ष ३५ को प्रभु पटेल, वडा नं.१५ बस्ने वर्ष ३१ को सन्देश सिंह, वडा नं.१६ बस्ने वर्ष २० को बिकाश पटेल, वडा नं.११ बस्ने वर्ष ३१ को जय पुजन ठाकुर, वर्ष २३ को मनिष महतो, वर्ष २२ को चन्दन कुमार चौरसिया, वर्ष ३५ को सन्तोष महतो, वडा नं.१४ बस्ने वर्ष २३ को इद मियाँ धोबी र वडा नं.११ बस्ने वर्ष ४० को सुरज भगत मालीलाई पक्राउ गरी निजहरूलाई सार्वजनिक शान्ति बिरुद्दको कसूरमा थप अनुसन्धान भइरहेको जिप्रकाले जनाएको छ ।
