१४ कार्तिक २०८३, शुक्रबार / 30 October 2026, Friday
Download
  • होमपेज
  • समाचार
  • राजनीति
  • शिक्षा
  • खेलकुद
  • स्वास्थ्य
  • मनोरन्जन
  • बाल संसार
  • विचार
  • अन्य
    • menu
  • होमपेज
  • समाचार
  • राजनीति
  • शिक्षा
  • खेलकुद
  • स्वास्थ्य
  • मनोरन्जन
  • बाल संसार
  • विचार
  • अन्य

    • बैंक कर्मचारी नीरज गुप्ता ठगीको जालमा परेको दाबी, न्यायका लागि गृह मन्त्रालयसम्म पुगे!

    • संजय कुशवाहा संजय कुशवाहा
    • today१४ कार्तिक २०८३

    वीरगन्ज– व्यापारिक प्रयोजनको नाममा बैंकका कर्मचारीलाई विश्वासमा लिई करोडौँ रुपैयाँ ठगी गरिएको रहस्य बाहिर आएको छ। रौतहटको महागढीमाई नगरपालिका बरियारपुर घर भई हाल बाराको कोल्वीमा ‘कुनाल एन्ड मुनाल इन्टरप्राइजेज’ पेट्रोल पम्प सञ्चालन गर्दै आएका राकेश सहनी र रुपाकुमारीले बैंक कर्मचारीलाई योजनावद्ध रूपमा प्रलोभनमा पारी ठगी धन्दा चलाएको र उल्टै फसाउन खोजेको पीडित पक्षले गम्भीर आरोप लगाएका छन्। बारा जिल्लास्थित नबिल बैंकमा कार्यरत कर्मचारी नीरज गुप्तासँग केही वर्षपहिले बैंकमै चिनजानको सम्बन्ध बनाएका सहनी दम्पतीले सोही चिनजानको दुरूपयोग गरी गुप्तालाई फसाएको उनीहरूका आफन्तको दाबी छ। आरोप अनुसार, राकेश सहनीले आफूले पेट्रोल पम्प खरिद गर्न लागेको र त्यसका लागि बैंकबाट ५५ लाख रुपैयाँ कर्जाको प्रक्रिया अगाडि बढाइएको भन्दै कर्मचारी नीरज गुप्तालाई विश्वासमा लिएका थिए। कर्जा प्रवाह हुन केही समय लाग्ने बहाना बनाउँदै सहनीले पम्प खरिदका लागि तत्कालै बजारबाट केही रकम मिलाइदिन गुप्तालाई आग्रह गरेका थिए। सहयोगको भावना राखेर बैंक कर्मचारी गुप्ताले आफ्ना चिनजानका साथीहरू तथा शुभचिन्तकहरूसँग समन्वय गरी रकम जुटाउन सहयोग गरेका थिए। पीडित रोहित वर्णवालका अनुसार, २०८१ जेठ २३ गते ‘गुड फर पेमेन्ट’ मार्फत ३९ लाख रुपैयाँ हाल सहनी दम्पतीले सञ्चालन गर्दै आएको कुनाल एन्ड मुनाल इन्टरप्राइजेजका तत्कालीन सञ्चालक रामपुकार सहनीको खातामा जम्मा गरिएको थियो। उक्त रकम बराबर सहनी पक्षले बैंकको चेक र ब्याजसमेत दिने प्रलोभन दिएका थिए। बैंकबाट कर्जाको रकम स्वीकृत भई खातामा आएपछि पीडितहरू चेक साट्न बैंक पुग्दा ठगीको यो योजना बाहिर आएको हो।

    Ad
    Ad
    Ad

    चेक काटिदिने व्यक्तिको खाता पहिले नै बन्द भइसकेको र हस्ताक्षर (सिग्नेचर) समेत परिवर्तन गरिएको पाइएको थियो। जब पीडितहरूले यस विषयमा सहनीसँग सोधखोज गरे, तब उनले आफूमाथि अन्य मुद्दा रहेको बहाना बनाउँदै मुद्दा मिलापत्र गर्न र रकम निकाल्न भन्दै थप ३ लाख र २ लाख गरी पटक-पटक रकम असुल गरेको पीडितहरूको आरोप छ। तर, जब पीडितहरूले आफ्नो सावाँ-ब्याज माग गर्न थाले, तब सहनी दम्पतीले उल्टै झूटा मुद्दामा फसाइदिने र बर्बाद पार्ने भन्दै धाकधम्की दिन थालेका छन्। व्यापारिक तथा व्यक्तिगत विश्वासको फाइदा उठाइ आफूलाई गम्भीर आर्थिक प्रपञ्चमा फसाइएको र केही व्यक्तिहरूले निरन्तर रूपमा जागिर खाइदिने तथा मानमर्दन गर्ने धम्की दिएको भन्दै बैंक कर्मचारी नीरज गुप्ताले न्यायका लागि राज्यका निकायमा गुहार माग्नुभएको छ। गुप्ताले घटनाको निष्पक्ष छानबिन गरी आफूलाई सुरक्षा प्रदान गर्न माग गर्दै २०८३ साल साउन ७ गते गृह मन्त्रालयमा चलानी नम्बर ६२७ मार्फत औपचारिक पत्र नै दर्ता गराएको खुल्न आएको छ। एक इमानदार बैंक कर्मचारीलाई सुनियोजित ढङ्गले प्रलोभनमा पारी करोडौँको आर्थिक पासोमा पार्ने यस्ता ठगी गिरोहमाथि कडा कानूनी कारबाही हुनुपर्ने पीडित पक्षको जोडदार माग रहेको छ।

    Ad
    Ad
    Ad

    ताजा सूचना

    • बैंक कर्मचारी नीरज गुप्ता ठगीको जालमा परेको दाबी, न्यायका लागि गृह मन्त्रालयसम्म पुगे!
    • वीरगन्जमा हिन्दू स्वयंसेवक संघको ७ दिने आवासीय प्रशिक्षण वर्ग सम्पन्न, वीरगन्ज महानगरमा भव्य र्याली
    • वीरगञ्जको शिरडी साई बाबा मन्दिरको ९औँ वार्षिकोत्सव: शोभा यात्रा र महाप्रसाद ग्रहण गर्न अपिल
    • सुरक्षाकर्मीको घुमुवा भएको भन्दै रकम असुली गर्ने आरोपमा एक जना पक्राउ लालबाबु सिंह, असोज ९, पर्सा। सुरक्षाकर्मीको घुमुवा भएको भन्दै विभिन्न व्यक्तिलाई प्रभावमा पारी रकम असुली गर्ने तथा बिचौलियाको काम गर्ने आरोपमा एक जना पक्राउ परेका छन्। पक्राउ पर्नेमा पर्सा जिल्लाको वीरगञ्ज महानगरपालिका–५ निवासी ५१ वर्षीय अशोककुमार बर्मा रहेका छन्। प्राप्त सूचनाका आधारमा जिल्ला प्रहरी कार्यालयबाट खटिएको प्रहरी टोलीले बर्मालाई २०८३ कात्तिक ६ गते वीरगञ्ज महानगरपालिका–५ बाट पक्राउ गरेको हो। प्रहरीका अनुसार बर्माले आफू नेपाल प्रहरी तथा सशस्त्र प्रहरी बल नेपालको घुमुवा भएको र सुरक्षाकर्मीसँग आफ्नो राम्रो चिनजान रहेको भन्दै विभिन्न व्यक्तिलाई विश्वासमा पार्ने गरेका थिए। उनले भन्सार छली तथा चोरी–तस्करीका सामान सहजै सेटिङ मिलाएर पास गराइदिने र रकम नदिने व्यक्तिको सामानसमेत नियन्त्रणमा लिन लगाइदिने भन्दै रकम असुली गर्ने गरेको सूचनाका आधारमा उनलाई पक्राउ गरिएको प्रहरीले जनाएको छ। त्यसैगरी, बर्माले नेपाल प्रहरी तथा सशस्त्र प्रहरी बल नेपालमा जागिर लगाइदिने भन्दै विभिन्न व्यक्तिबाट रकम लिएको भन्ने विषयमा समेत अनुसन्धान भइरहेको प्रहरीले जनाएको छ। पक्राउ परेका बर्मामाथि कानुनबमोजिम म्याद थप गरी थप अनुसन्धान प्रक्रिया अगाडि बढाइएको प्रहरीले जनाएको छ।
    • कलैयाबाट प्रतिबन्धित लागूऔषधका १ हजार ४९५ पिस इन्जेक्सन बरामद
    ;

    सम्पर्क

    • प्रकाशक :
      अग्निपथ मिडिया प्राइभेट लिमिटेड
    • कम्पनी दर्ता नं. :
      ३०१७१५/०७९ /०८०
    • सुचना तथा प्रसारण बिभाग दर्ता नं. :
      ३९५९ - २०८०/२०८१
    • [email protected] 
    • [email protected]
    •  
    • प्रधान सम्पादक : कृष्ण प्रसाद शर्मा
    • प्रबन्ध निर्देशक : बिराज यादब  

    •  संचालक  :सन्जय कुशवाहा
    •  
    • मधेश प्रदेश :
    •  
    • संजय कुशवाहा :- 9855048861
    •  
    •  
    •  
    •  
    •  

    सोसल मिडिया

    • Subscribe YouTube Channel
    • Like us on Facebook
    • Follow us on Twitter

    मेनु

    • होमपेज
    • समाचार
    • राजनीति
    • शिक्षा
    • खेलकुद
    • स्वास्थ्य
    • मनोरन्जन
    • बाल संसार
    • विचार
    • अन्य
    • © अग्नीपथ -2022 All rights reserved.