गाजियाबादबाट नेपाल तर्फ बेच्न लागिएका दुई नाबालिग चेलीहरू एसएसबी र सामाजिक संस्था प्रयासको संयुक्त अपरेशनमा रक्सौलमै उद्धार, दुई मानव तस्कर पक्राउ!
-
संजय कुशवहा
- today२३ असार २०८२
रक्सौल, २३ असार २०८२ — भारतको उत्तर प्रदेश निवासी मोहम्मद रिजवान उर्फ अमन र उसका साथीसँग गम्भीर रहस्य खुल्दै गएको छ। उनीहरूले गाजियाबादबाट दुई नाबालिग किशोरीहरू — हसीना (उमेर १५) र शायरा (उमेर १६) — लाई प्रेमजालमा पारेर नेपालतर्फ बेच्न लैजाँदै गर्दा रक्सौल नाका नजिक मैत्री पुलमा मानव तस्करी रोधी इकाई ४७वीं बटालियन SSB र प्रयास जुभेनाइल एड सेन्टरको संयुक्त अपरेशनमा नियन्त्रणमा लिइएको हो।
सूचनाको आधारमा जाल: दिनांक ०६/०७/२५ को राती करिब ९ बजे विश्वसनीय स्रोतबाट प्राप्त सूचनाको आधारमा एसएसबीका इन्स्पेक्टर विकास कुमारको नेतृत्वमा विशेष टोली बनाइ रक्सौलको मैत्री पुलमा निगरानी बढाइयो। शंका लागेका दुई व्यक्तिसहित दुई किशोरीहरूलाई रोकेर गहिरो काउन्सेलिङ गरिएपछि मानव तस्करीको झनै डरलाग्दो साँचो खुल्यो। विवाहको लोभ देखाएर शोषण: रिजवानले हसीनालाई आफू नेपाल लिएर विवाह गर्ने आश्वासन दिएको थियो भने शायरालाई मोहम्मद शेखसँग विवाह गराइदिने कुरा गरी दुबै बहिनीहरूलाई घरबाट भगाएर ल्याइएको थियो। तर वास्तविकता यस्तो भयावह थियो
— दुबै नाबालिगलाई विभिन्न होटलहरूमा राखी दुर्व्यवहार र शारीरिक शोषण गरियो। शेख पहिल्यै विवाहित, बच्चासहित: शायरा जब जानकार भइन् कि शेख पहिल्यै विवाहित छन् र एक सन्तान पनि छन्, त्यसपछि उसले चिच्याउन थालेपछि शेखले धोका दिँदै भन्यो, “पहिलो श्रीमतीलाई तलाक दिई तिमीलाई नै बिहे गर्छु।” तर यथार्थमा यी दुबै तस्करहरू नेपालमा मानव तस्करीका लागि किशोरीहरूलाई बेच्न लैजाँदै थिए भन्ने गम्भीर शंका प्रहरीसँग छ। समयमै एसएसबी र सामाजिक संस्था प्रयासको सक्रियता नदेखिएको भए, यी दुई नाबालिगको भविष्य अन्धकारमय हुन्थ्यो। गाजियाबादमा पहिले नै अपहरणको केस दर्ता: रक्सौल प्रहरीले गाजियाबाद प्रहरीसँग सम्पर्क गर्दा थाहा भयो कि यी किशोरीहरूको अपहरण, धम्की र चोरीसम्बन्धी मुद्दामा पहिले नै परिवारले एफआईआर दर्ता गरिसकेका रहेछन्।
गाजियाबाद प्रहरीले पनि किशोरीहरूको खोजी गरिरहेको थियो। उद्धार कार्यमा सहभागी: यस अपरेशनमा AHTU प्रभारी इन्स्पेक्टर विकास कुमार, सहायक उपनिरीक्षक खेमराज, हवल्दार अरविन्द द्विवेदी, सिपाही रेश्मा र आर्या लक्ष्मी, प्रयास जुभेनाइल एड सेन्टरकी जिल्ला परियोजना समन्वयक आरती कुमारी र सामाजिक अभियन्ता राज गुप्ता समेतको सक्रिय सहभागीता थियो।
--- सार्वजनिक अपील: नेपाल-भारत नाकाहरूमा यस्ता अपराधहरूको रोकथाममा सुरक्षाकर्मी र सामाजिक संस्थाको सक्रियता अत्यन्तै सराहनीय भए पनि नागरिक सतर्कता अझै आवश्यक छ। मानव तस्करहरूको यस्तो जाल नष्ट गर्न सरकार र आमसञ्चार माध्यमले यसलाई राष्ट्रिय संकटको रूपमा हेर्नुपर्छ।
