त्रिभुवन अन्तर्राष्ट्रिय विमानस्थल साँझ ६ बजेसम्म बन्द, आन्तरिक उडान भोलिसम्म नहुने

काठमाडौँ- त्रिभुवन अन्तर्राष्ट्रिय विमानस्थल बुधबार साँझ ६ बजेसम्म बन्द गरिएको छ।

विमानस्थलका प्रवक्ता रिन्जी शेर्पाका अनुसार यात्रुको आवतजावत सहज नभएको र सुरक्षा जोखिम बढेको कारण विमानस्थल सञ्चालन असम्भव भएको हो।

देशैभर कर्फ्यु जारी र अत्यावश्यक काम बाहेक घरबाहिर नजान नेपाली सेनाले निर्देशन दिएका कारण विमानस्थल बन्द गरिएको बताइएको छ।

यस क्रममा आज हुने अन्तर्राष्ट्रिय उडानहरू रिसेड्युल हुने छन् भने काठमाडौं आउनुपर्ने विदेशी यात्रु बोकेको विमानहरू सम्बन्धित देशमै रोकिएका छन्।

मंगलबारदेखि ठप्प भएको आन्तरिक उडान पनि बुधबार नहुने भएको छ। आन्तरिक उडानको अग्रणी कम्पनी बुद्ध एयरले सबै उडान रद्द भएको जानकारी दिएको छ।

आन्तरिक उडान भोलिसम्म नहुने

कम्पनीले यात्रुवर्गमा परेको असुविधाका लागि क्षमाप्रार्थी रहेको जनाएको छ।

;