राष्ट्रपति र सेनापतिसँग वार्ताका लागि डिस्कोर्डमा जेनजीको बैठक जारी, ३२ सय सहभागी
-
मेराज हास्मी
- today२५ भदौ २०८२
काठमाडौं । देशको नयाँ सरकार गठन, निर्वाचन र त्यसपछिको योजना निर्माणका लागि राष्ट्रपति र सेनासँग वार्ताअघि आफ्ना एजेण्डा तय गर्न जेन जीको बैठक बसिरहेको छ । अनलाईनमा भइरहेको भर्चुअल बैठकमा ३२ सयभन्दा धेरै युवाहरू सहभागी घएको बताइएको छ ।
बैठकमा अबको शासकीय स्वरूप, कार्यकारीको निर्वाचन प्रक्रिया, कार्यकाल लगायतका विषयमा छलफल गरिरहेका छन् । अनलाइन प्लेटफर्म डिस्कोर्डमा जेन जी अगुवाहरूको बैठक चलिरहेको हो । ाैठकमा सेनासँग वार्ताका लागि आफ्ना प्रतिनिधि को हुने भन्नेबारे पनि छलफल गरिरहेका छन् । यसबाहेक अन्तरिम सरकारमा आफ्नो नेतृत्वबारे पनि छलफल गरिरहेका छन् ।
उनीहरूले भैठकमा संसद विघटन हुनुपर्ने, संसद विघटनको कम्तीमा ६ महिना र बढीमा १ वर्षमा निर्वाचन हुनुपर्ने, प्रत्यक्ष निर्वाचित कार्यकारी प्रमुख हुनुपर्ने, कार्यकारी प्रमुखको कार्यकाल ४ वा ५ वर्षको हुने र एक जना व्यक्ति बढीमा दुई कार्यकाल वा ८ वा १० वर्ष मात्रै कार्यकारी प्रमुख हुन पाउने लगायतका प्रस्तावमा छलफल गरिरहेका छन् ।
