पाकिस्तान शाहीन्ससँग एक रनले हार्यो नेपाल
-
बिशाल यादब
- today६ भदौ २०८२
काठमाडौं । अस्ट्रेलिया भ्रमणमा रहेको नेपालले टप एन्ड टी–२० शृंखलामा चौथो हार बेहोरेको छ । सुरुका तीन खेलमा लगातार पराजित भएको नेपाल लिग चरणको अन्तिम खेलमा पनि पाकिस्तानको शाहीन्ससँग १ रनले पराजीत भयो ।
अन्तिम ओभरमा ८ रन चाहिएको अवस्थामा नेपालले मात्र ६ रन जोड्यो । शुक्रबार डार्विनको मरारा क्रिकेट ग्राउण्ड २ मा टस जितेर ब्याटिङ रोजेको पाकिस्तानले निर्धारित २० ओभरमा ९ विकेट गुमाउँदै १४५ रनको लक्ष्य दिएको थियो । प्रत्युत्तरमा नेपालले ७ विकेट गुमाएर १४३ रन बनायो । यसअघि लगातार तीन खेलमा पराजित नेपालले पछिल्लो दुई खेल जितेको थियो । पहिलो खेलमा नर्दर्न टेरिटोरी स्ट्राइकरसँग ४२, दोस्रो खेलमा बंगलादेश ‘ए’ सँग ३२ र मलेबर्न स्टार्स एकेडेमीसँग ३१ रनले पराजित भएको हो ।
नेपालले चौथो खेलमा होबर्ट हुरिक्यान्स एकेडेमीविरुद्ध ६६ र मेलबर्न रेनेगेड्स एकेडेमीविरुद्ध ३३ रनको जित निकालेको थियो । नेपालका लागि कप्तान रोहित कुमार पौडेलले अर्धशतक बनाए । रोहितले ४४ बलमा ५२ रन बनाए । ६ चौका र एक चक्का हिर्काए । यस्तै, आशिफ शेखले ३० बलमा २७ रन बनाए । दीपेन्द्र सिंह ऐरीले अविजित ४१ रन बनाएर रन आउट भए ।
यस अघि पाकिस्तानका लागि कप्तान इरफान खानले अविजित ४२ रन बनाए । अब्दुल समादले २६, मोहम्मद वासिमले २३, यासिर खानले १८ र मेहरन मुम्ताजले १० रन बनाए । नेपालका लागि सोमपाल कामीले तीन, नन्दन यादव र दीपेन्द्रसिंह ऐरीले समान दुई तथा कुशल भुर्तेलले एक विकेट लिए ।
