नेपाल आर्य समाजको नयाँ भवन उद्घाटन तथा नगर परिक्रमा भव्य रूपमा सम्पन्न।
-
कुन्दन कुमार साह
- today२ कार्तिक २०८१
वीरगञ्ज, असोज २ - नेपाल आर्य समाजद्वारा वीरगञ्जमा निर्माण सम्पन्न भएको नयाँ भवनको उद्घाटनको अवसरमा असोज २ देखि असोज ४ गतेसम्म विशेष कार्यक्रमको आयोजना गरिने भएको छ। सो भवन उद्घाटन समारोहलाई प्रभावकारी बनाउन विभिन्न धार्मिक तथा सामाजिक क्रियाकलापको आयोजना गरिएको छ।
कार्यक्रमको पहिलो दिन असोज २ गते, शुक्रवार बिहान ६ बजे वैदिक यज्ञको आयोजना गरिएको छ, जसपछि बिहान ९:३० बजे झण्डोत्तोलन कार्यक्रम हुनेछ। सोही दिन दिउँसो १२ बजे नगर परिक्रमा कार्यक्रम आयोजना गरिने छ, जसमा वीरगञ्जको महत्वपूर्ण धार्मिक तथा सांस्कृतिक स्थानहरुको भ्रमण गरिने छ।
नगर परिक्रमा मार्गमा थाकुराम कलेज गेट, कैलाश होटल चौक, गीता मन्दिर, माईस्थान चौक, घण्टाघर आदि स्थानलाई समावेश गरिएको छ। तीन दिनसम्म चल्ने यो विशेष कार्यक्रमको दोस्रो दिन असोज ३ गते, शनिवार, बिहान वैदिक यज्ञ र साँझ ८ बजे विशेष भजन कार्यक्रमको आयोजना गरिनेछ। अन्तिम दिन असोज ४ गते, आइतबार, समापन समारोह सहित महायज्ञ सम्पन्न हुनेछ।
नेपाल आर्य समाजले यस कार्यक्रममा सबै श्रद्धालु र जनसमुदायलाई उपस्थित हुन अनुरोध गरेको छ। सो भवन आर्य समाजको धार्मिक तथा सामाजिक गतिविधिहरूलाई अझ सुदृढ बनाउने उद्देश्यले निर्माण गरिएको हो।
कार्यक्रमलाई सफल बनाउन विश्व हिन्दू परिषद नेपाल वीरगञ्ज महानगर समिति, राष्ट्रिय बजरंग दल, विश्वकर्मा हार्डवेयर, वन इलेवन रेस्टुरेन्ट, सूर्या शु सेन्टर, चाओसती खाद्य उद्योग प्रा.लि. र सुकदेव आई.टी. सोल्युसनले विशेष सहयोग पुर्याएका थिए।
कार्यक्रमको मुख्य व्यवस्थापन श्री विष्णु कुमार आर्यको अध्यक्षतामा सम्पन्न हुँदैछ, र यसले समाजमा धार्मिक एकता र सहकार्यको महत्वपूर्ण सन्देश प्रवाह गर्ने विश्वास व्यक्त गरिएको छ।
