८ जना फरार प्रतिवादी पक्राउ, बारा जिल्ला अदालतमा दाखिला
-
बिशाल यादब
- today५ मंसिर २०८१
बारा । जिल्ला प्रहरी कार्यालय बाराले विभिन्न अपराधमा दोषी ठहर भई फरार रहेका आठ जना प्रतिवादीलाई पक्राउ गरी सम्मानित बारा जिल्ला अदालत, कलैयामा दाखिला गरेको छ। मिति २०८१ मंसिर ४ गते विभिन्न प्रहरी इकाइ कार्यालयहरूको टोलीले खोज तलास गरी लुकिछिपि बसेको अवस्थामा उनीहरूलाई पक्राउ गरेको हो।
पक्राउ परेका व्यक्तिहरू र उनीहरूमाथि लागेको अपराध यस प्रकार रहेको छ:
1. नानसाईलि भन्ने माया गोले (निजगढ न.पा. ८): लागू औषध मुद्दा, ५ महिनाको कैद र २८ दिनसहित ५०००/- जरिवाना।
2. अर्जुन थापा भन्ने बालकृष्ण थापा (निजगढ न.पा. ८): लागू औषध मुद्दा, ५ महिनाको कैद र २८ दिनसहित २०००/- जरिवाना।
3. ईन्दीरा थापा (निजगढ न.पा. ८): लागू औषध मुद्दा, २० दिनको कैद र २०००/- जरिवाना।
4. खडक राज मैनाली (निजगढ न.पा. ९): चेक अनादर मुद्दा, १ महिनाको कैद र ५००/- जरिवाना।
5. सागर राई (निजगढ न.पा. २): सवारी दुर्घटना मुद्दा, १ वर्षको कैद र १०००/- जरिवाना।
6. रुपेश यादव भने अर्जुन राय यादव (बिश्रामपुर गा.पा. २): डाँका मुद्दा, १ वर्षको कैद र १०,५००/- जरिवाना।
7. जयप्रकाश प्रसाद यादव (परवानिपुर गा.पा. ३): कुटपिट मुद्दा, २०००/- जरिवाना।
8. शिब मंगल राम (कलैया उ.म.न.पा. ४): चेक अनादर मुद्दा, ५००/- जरिवाना।
उनीहरूलाई आवश्यक कानूनी प्रक्रिया पूरा गर्न सम्मानित बारा जिल्ला अदालतमा पेश गरिएको छ।
