सर्लाहीमा पोखरीमा खसेको कारबाट दुई जनाको शव बरामद
-
दिलखुस देवान
- today२० कार्तिक २०८१
वीरगंज | संसर्लाही जिल्लाको ईश्वरपुर नगरपालिका–२, मियाँखोरस्थित पोखरीमा खसेर डुबेको कारबाट दुई जनाको शव निकालिएको छ। बयलवासबाट महोत्तरीको गौशाला जाँदै गरेको लु२च ६७५८ नम्बरको कार आज बिहान दुर्घटनाग्रस्त अवस्थामा पोखरीमा फसेको थियो।
सशस्त्र प्रहरीको उद्धार टोलीले बिहान साढे ८ बजे गौशाला नगरपालिका–१० का चालक सुरेश महतो र सोनमा गाउँपालिका–८ का रामाकान्त ठाकुरको शव कारबाट बाहिर निकाल्न सफल भएको छ। उद्धारका लागि विशेष गोताखोर टोली पनि परिचालन गरिएको थियो जसले पोखरीमा डुबेको कारको पहिचान गरी शवलाई बाहिर निकालेको हो।
अहिले कारलाई पोखरीबाट निकाल्ने कार्य जारी रहेको छ। यस दुर्घटनाको कारण खुल्न नसकेको र थप अनुसन्धान भइरहेको प्रहरीले जानकारी दिएको छ।
