रामुको पढाइको रहस्य
-
ANTIMA SARRAF
- today२७ आश्विन २०८२
सानो गाउँमा रामु नामको एक केटो बस्थ्यो। ऊ धेरै चलाख र रमाइलो स्वभावको थियो, तर उसलाई पढाइ मन पर्दैनथ्यो। हरेक बिहान आमा उसलाई विद्यालय पठाउन खोज्थिन्, तर ऊ भन्थ्यो — “मलाई विद्यालय जान मन छैन, म त खेतमा खेल्न जान्छु।”
उसका साथीहरू विद्यालयमा गएर नयाँ कुरा सिक्थे — अक्षर, गणित, र चित्रकलासम्म। तर रामु सधैं खेल्दै बिताउँथ्यो। एक दिन गाउँमा नयाँ पुल बनाउन ठेकेदार आए। उनले कामदारहरूलाई लेखपढ गर्न सक्ने चाहियो भने। रामु पनि त्यहाँ पुग्यो र काम माग्यो।
तर ठेकेदारले सोधे, “के तिमी पढ्न लेख्न जान्छौ?” रामुले लजाउँदै भन्यो, “हजुर, म त पढ्न जान्दिनँ।” त्यसपछि ठेकेदारले उसलाई भने, “त्यो भए तिमी यो काम गर्न सक्दैनौ, किनभने यहाँ लेखिएको नक्सा बुझ्न जान्नु पर्छ।”
त्यो सुनेर रामु निकै दुःखी भयो। उसले देख्यो कि उसका साथीहरू जसले रामुसँगै खेल्थे, अहिले पढेका कारण रामुभन्दा धेरै राम्रा काम गरिरहेका छन्। रामुले त्यो दिनदेखि मन लगाए र विद्यालय जान थाल्यो।
ऊ मेहनत गर्न लाग्यो, र केही वर्षमै राम्रो विद्यार्थी बन्यो। पढाइले उसको सोच बदल्यो — ऊ अब गाउँकै सबैभन्दा समझदार केटा बन्यो।
