हैजा रोकथामका लागि बीरगंज महानगरपालिकाले तत्काल उठाउनुपर्ने १० प्रभावकारी कदम
-
बिराज यादव
- today१४ भदौ २०८२
हैजा रोकथामका लागि बीरगंज महानगरपालिकाले अपनाउनुपर्ने प्रभावकारी कदमहरू :1. शुद्ध खानेपानी आपूर्ति – पालिकाले फिल्टर प्लान्ट, क्लोरीन मिसाइ पानी वितरण, तथा पानीको गुणस्तर परीक्षण नियमित गर्नुपर्ने। 2. स्वास्थ्य उपचारको सहज पहुँच – अस्पताल र हेल्थ पोस्टमा विशेष हैजा उपचार कक्ष (Cholera Ward) सञ्चालन गर्ने। – आवश्यक औषधि, ORS र सलाइन प्रशस्त मात्रामा उपलब्ध गराउने। 3. मोबाइल मेडिकल टोली परिचालन – डाक्टर, नर्स र स्वास्थ्य स्वयंसेवकको टोलीलाई गाउँ–गाउँमा पठाएर प्राथमिक उपचार र जनचेतना दिने।
4. जनचेतना अभिवृद्धि – टोलटोलमा माइकिङ, पोस्टर, पम्पलेट मार्फत सफा पानी, सफा खानेकुरा र सरसफाइ सम्बन्धी जानकारी फैलाउने। – विद्यालय, मठमन्दिर र सामुदायिक स्थलमार्फत सचेतना अभियान सञ्चालन गर्ने। 5. वडा-स्तरीय विपद् व्यवस्थापन समिति सक्रिय – सबै २४ वटै वडामा तत्काल कार्यान्वयन समिति बनाएर दैनिक रिपोर्टिङ प्रणाली सञ्चालन गर्ने। 6. छिटो परीक्षण र निगरानी – पानीका मुहान, धारा र खानीपानी ट्यांकरमा नियमित परीक्षण गर्ने। – रोगी भेटिएलगत्तै आइसोलेसन गरेर फैलिन नदिने।
7. सफाइ र सरसफाइ अभियान – ढल व्यवस्थापन, खुला नाली सफा गर्ने र पानी जम्न नदिने। – घरआँगनमा फोहर व्यवस्थापन प्रणाली लागू गर्ने। 8. हैजा विरुद्धको तालिम र पूर्वतयारी – स्वास्थ्यकर्मीलाई हैजा उपचारमा विशेष तालिम दिने। – विद्यालयका शिक्षक र विद्यार्थीलाई प्राथमिक उपचार र रोकथाम उपाय सिकाउने।9. मीडिया र सूचना प्रवाह – रेडियो, टेलिभिजन, सामाजिक सञ्जालबाट हैजा रोकथामको सन्देश निरन्तर प्रवाह गर्ने।10. असली नेतृत्वको प्रदर्शन – रोगलाई कमाई खाने भाँडो नबनाई, जनताको जीवनलाई प्राथमिकतामा राख्ने। – निर्णय, बजेट र कार्यान्वयनमा पारदर्शिता कायम गर्ने।
