वीरगञ्जमा २१औं राष्ट्रिय महिला सामुदायिक स्वास्थ्य स्वयंसेविका दिवस उप-प्रमुख इम्तियाज आलमको प्रमुख अतिथ्यमा भव्यताका साथ सम्पन्न।
-
बिरेन्द्र यादब
- today२० मंसिर २०८१
वीरगञ्ज – “पर्ताविविध स्वास्थ्य क्रियाकलापहरमा महिला सामुदायिक स्वास्थ्य स्वयंसेविकाको भूमिका: स्वस्थ समाज निर्माणमा सहभागिता” भन्ने नाराका साथ वीरगञ्ज महानगरपालिकाले २१औं राष्ट्रिय महिला सामुदायिक स्वास्थ्य स्वयंसेविका दिवसको अवसरमा विशेष कार्यक्रम सम्पन्न गरेको छ।
महानगरका ३२ वडामा करिब २०० महिला स्वयंसेविकाहरूले स्वास्थ्य सेवा प्रदान गर्दै आइरहेका छन्। यी स्वयंसेविकाहरूको योगदानले वीरगञ्जमा जनस्वास्थ्य प्रवर्द्धनमा महत्वपूर्ण प्रभाव पारेको छ।
संघ सरकारको योगदान रोकिनुमा चिन्ता, स्थानीय सरकारको प्रतिबद्धता
कार्यक्रममा बोल्दै वीरगञ्ज महानगरपालिकाका उपप्रमुख र कार्यक्रमका प्रमुख अतिथि इम्तियाज आलमले महिला स्वास्थ्य स्वयंसेविकाहरूको अमूल्य योगदानको प्रशंसा गर्नुभयो। उहाँले भन्नुभयो, “महिला स्वयंसेविकाहरूले समाजमा स्वास्थ्य र चेतनाको स्थापनामा ठूलो भूमिका निर्वाह गरेका छन्।
महानगरपालिकाले आगामी दिनमा थप सहयोग र प्रोत्साहन प्रदान गर्ने प्रतिबद्धता जनाउँछ।” यस क्रममा संघ सरकारले महिला स्वयंसेविकाहरूलाई दिइँदै आएको आर्थिक योगदान रोकिएकोप्रति चिन्ता व्यक्त गरिएको छ। स्थानीय सरकार भने महिला स्वयंसेविकाहरूलाई सहयोग जारी राख्ने प्रयासमा रहेको छ।
विशिष्ट व्यक्तित्वहरूको उपस्थिति
कार्यक्रमको अध्यक्षता महानगरका जनस्वास्थ्य निरीक्षक अनिल कुमार यादवले गर्नुभएको थियो। अन्य विशिष्ट अतिथिहरूमा जनस्वास्थ्य निरीक्षक अनिल कान्त कुशवाहा, प.हे.न. अधिकृत मिरा यादव, जनस्वास्थ्य निरीक्षक सुनिल कुर्मी, सि.अ.नि. इन्द्रा, आयुर्वेद अधिकृत रुपनारायण झा, म.स्वा.से.से. अध्यक्ष शर्मिला न्यौपाने, को.या.अ. रामबाबु, र खुश्बु श्रीवास्तवलगायतको उपस्थिति थियो।
महिला स्वयंसेविकाहरूको भूमिका महत्वपूर्ण महिला सामुदायिक स्वास्थ्य स्वयंसेविकाहरूले मातृस्वास्थ्य, बालस्वास्थ्य, खोप अभियान, पोषण, र महामारी नियन्त्रणमा खेलेको भूमिकाले वीरगञ्ज लगायत देशभर स्वास्थ्य सुधारमा महत्वपूर्ण योगदान पुर्याएको छ। कार्यक्रमको आयोजना वीरगञ्ज महानगरपालिका जनस्वास्थ्य प्रवर्द्धन शाखाले गरेको हो। यो कार्यक्रमले महिला स्वयंसेविकाहरूको योगदानलाई सम्मान गर्दै जनस्वास्थ्य सुधारको अभियानलाई बलियो बनाउने उद्देश्य राखेको छ। महिला स्वास्थ्य स्वयंसेविकाहरूका लागि नयाँ पहलको आवश्यकता उपस्थित अधिकारीहरूले महिला स्वयंसेविकाहरूलाई राज्यबाट थप प्रोत्साहन, सुविधा, र तालिम प्रदान गर्नुपर्ने माग राखे। यसरी वीरगञ्ज महानगरपालिकाले आयोजित यो कार्यक्रमले महिला स्वास्थ्य स्वयंसेविकाहरूको योगदानलाई सम्मान गर्दै भविष्यमा थप सुधार र प्रवर्द्धनका लागि नयाँ सम्भावनाहरूको ढोका खोल्ने विश्वास गरिएको छ।
