पूर्व मुमाबडामहारानी रत्न राज्यलक्ष्मी शाह अस्पताल भर्ना
-
बलिराम श्रीवास्तव
- today१९ कार्तिक २०८१
वीरगंज | ९७ वर्षीया पूर्व मुमाबडामहारानी रत्न राज्यलक्ष्मी शाह अचानक स्वास्थ्यमा समस्या देखिएपछि सोमबार थापाथलीस्थित नर्भिक अस्पतालमा भर्ना भएकी छन्। चिकित्सकहरूको अनुसार उनको छातीमा संक्रमण देखिएको भए पनि अवस्था सामान्य रहेको छ।
बृद्ध उमेरका कारण उनलाई थप स्वास्थ्य समस्या नबढोस् भनेर चिकित्सकहरूले ‘अब्जरभेसन’मा राख्न आवश्यक ठानेका छन्। अस्पताल स्रोतले उनको स्वास्थ्यलाई नजिकबाट अनुगमन गरिरहेको जानकारी दिएको छ।
रत्न शाह नारायणहिटी दरबारको महेन्द्र मञ्जिलमा बस्दै आएकी छन्, जुन उनका श्रीमान् दिवंगत राजा महेन्द्रले निर्माण गराएका थिए। स्वास्थ्यमा समस्या देखिएपछि तुरुन्तै उपचारका लागि अस्पताल लगिएको परिवारजनले बताएका छन्।
हालसम्म उनको स्वास्थ्यमा कुनै ठूलो जोखिम नरहेको र अस्पतालमा केही दिनको निगरानीपछि घर फर्किन सक्ने सम्भावना रहेको चिकित्सकहरूले बताएका छन्।
