निलकण्ठ हस्पिटल एण्ड रिसर्च सेन्टर र बिरगंज-१३ द्वारा नि:शुल्क स्वास्थ शिविर सम्पन्न, १५७ जना लाभान्वित ।
-
ANTIMA SARRAF
- today१ भदौ २०८१
बिरगंज ,पर्सा // अग्निपथ मिडिया
निलकण्ठ हस्पिटल एण्ड रिसर्च सेन्टर प्रा.लि.र बिरगंज महानगर पालिका वडा नम्बर १३ कार्यालयको आयोजनामा नि:शुल्क स्वास्थ सिबिर सम्पन्न भएको छ । उक्त कार्यक्रम हस्पिटलका मेनेजिङ्ग डाइरेक्टर कुनाल महतो थारुको प्रमुख आतिथ्य र बिरगंज महानगरपालिका वडा नं.-१३ का वडा-अध्यक्ष हिरालाल गिरीको अध्यक्षतामा सम्पन्न भएको हो।
नि:शुल्क स्वास्थ शिविरमा चिकित्सकहरु बरिष्ठ फिजिसियन र मुटु, किडनी रोग विशेषज्ञ डा.अच्यूतानन्द लाल कर्ण ,बरिष्ठ फिजिसियन डा.प्रशान्त साह , हार्ड जोर्ने तथा नशा रोग विशेषज्ञ सर्जन डा.अरबिन्द कुमार साह, बरिष्ठ नवजात शिशु तथा बाल रोग विशेषज्ञ डा.नविन झा,सिनियर मेडिकल अफिसर डा. तेजनाथ तिवारी, नाक, कान तथा घाटी रोग विशेषज्ञ डा. अशोक कुमार गुप्ताले सेवा प्रदान गरेका थिए ।
उक्त कार्यक्रममा हस्पिटलका कार्यालय प्रमुख सदाम हुसेन, मार्केटिङ अफिसर बुलेट तिवारी , वडा सदस्य कमरुदिन अन्सारी, महिला सदस्य जुबैदा खातुन वडा-सचिव रामचन्द्र पटवारी कंप्युटर अपरेटर रचना अधिकारी र ल्यब टेकनिसियन अनिल कुमार र गंगा प्रसाद चौधरी , हेल्थ अस्सिटन्स बिनय साह, स्टाफ नर्स लक्ष्मी बि.क, कार्यालय सहयोगि हरिनारायण महतो र त्यहाँको स्थानीय बुद्धिजीवी र अगुवाहरुको उपस्थित रहेको थियोे।
आजको आयोजित स्वस्थ्य शिविरमा १५७ जना बिरामी लाभान्वित भएका थिए भने यस्ता शिविरहरुको आयोजनाले समाजमा स्वस्थ्य प्रती जागरुकता बढ्ने र पैसा र जानकारीको अभावमा लुकाएर राखिएको रोगहरु पता लाग्ने र त्यसको उपचार समयमै हुने बक्ता हरुले स्पष्ट पारे ।
