रोटरी क्लब अफ वीरगंज मेट्रोपोलिसकाे आयोजनामा रक्तदान कार्यक्रम सम्पन्न
-
बिरेन्द्र यादब
- today९ मंसिर २०८०
१० मङ्सिर , बहुदरमाइ पर्सा // अग्निपथ मिडिया
रोटरी क्लब अफ वीरगंज मेट्रोपोलिसकाे आयोजनामा रक्तदान कार्यक्रम सम्पन्न भएको छ । वीरगंजकाे माईस्थान पार्कमा भएको कार्यक्रममा ३ महिलासहित ३६ जनाले रक्तदान गरेका छन् ।
क्लबका अध्यक्ष हरिगोपाल श्रेष्ठको अध्यक्षतामा भएको कार्यक्रममा दिलशाद अंसारी, प्रियांशु गुप्ता, हरिओम कुमार साह, आशीष क्षेत्री, विषेश वर्णवाल, नीलम ब्याहुत, विवेक कुमार साह, अनिल कुमार साह लगायतले रक्तदान गरेका हुन् ।
चिसो मौसम शुरु भएसँगै रगतको अभाव हुने हुँदा रक्तदान कार्यक्रमको आयोजना गरिएको रोटरी क्लब अफ वीरगञ्ज मेट्रोपोलिसका सचिव मिकेश मितलले बताए ।
कार्यक्रममा वीरगञ्ज युवा समाजका अध्यक्ष कमल चौगाई, जिल्ला ट्राफिक प्रहरी कार्यालय पर्साका प्रहरी निरीक्षक भाष्कर खतिवडा ,वरिष्ठ नायव निरीक्षक गुनानिधि खकुरेल लगायतको उपस्थिती रहेको क्लबका उपाध्यक्ष दीपू वर्णवालले जानकारी दिए ।
