कस्तो खाना पोषणयुक्त ?
-
अग्निपथ सम्बादाता
- today८ कार्तिक २०८०
९ कार्तिक \\ अग्निपथ मिडिया
नेपालीहरु चिल्लो पिरो अमिलो र बोसोयुक्त खानेकुरा बढी मन पराउछौँ । तर तिनीहरुको मात्रा नमिलाई खाँदा शरीरलाई हानी हुन्छ ।यस्ता खानेकुरा सँगसँगै हरियो सागपात र ताजाफलफूल पनि सन्तुलित रुपमा खानुपर्छ । बढी चिल्लो अमिलो र पिरो खानेकुरा नखाँदा नै राम्रो हुन्छ । आफूले पचाउन सक्ने अवस्था हेरेर मात्र यस्तो परिकार खानुपर्छ
चिल्लो अमिलो पिरो खानेकुराले ग्यास्ट्रिक बढाउने, टन्सिल हुने लगायतका समस्या हुनसक्छ । त्यसमा कोलेस्टेरोल बढाउने र बोसोको मात्रा बढी हुन्छ । जसका कारण अपच हुने, कब्जियत हुने फुड प्वाइजनजस्ता समस्या देखा पर्छन् ।
प्रायः हाम्रो भान्सामा मसलेदार परिकारले प्राथमिकता पाउँछ । त्यस्ता परिकार बनाउँदा घरमै तयार गरिएको ताजा जिरा, धनियाँ, लसुन, प्याज लगायतका मसला प्रयोग गर्दा त्यति असर गर्दैन् । बजारमा पाइने रेडिमेड मसलाहरुको शुद्धतामा ग्यारेन्टी गर्न सकिदैन । तिनीहरुले शरीरमा मन्द बिषको काम गर्छन् । त्यसैले घरमै तयार गरेको मसला खानु राम्रो मानिन्छ ।
चिसोको मौसम सुरु हुँदैछ र यो समयमा फुड प्वाइजनको सम्भावना पनि हुन्छ । फुडप्वाइजनको मुख्य कारण पनि दूषित पानी हो । त्यसैले पानी उमालेर मात्र पिउनुपर्छ । त्यसका साथै काँचो मासु तथा खानेकुराले पनि फुडप्वाइजन गराउन सक्छ ।
