यूरिक एसिड र उच्च रक्तचापको सम्बन्ध यूरिक एसिडका बिरामीले मुख बार्नु पर्ने खानाहरु
-
अग्निपथ सम्बादाता
- today४ कार्तिक २०७९
अत्यधिक रक्त यूरिक एसिडले मुटुलाई सोझै असर पार्ने देखिदैन । उच्च रक्तचापद्धारा पीडित व्यक्तिहरुमध्ये २५ देखि ५० प्रतिशतको रगतमा यूरिक एसिड बढेको भेटिन्छ । यूरिक एसिडले विशेषगरी हात खुट्टाका जोर्नीहरुको बाथ गराउँछ ।
यसका साथै अत्यधिक रक्त यूरिक एसिडका कारण मिर्गौलामा पत्थरी जम्न थाल्छ र मिर्गौलाको कार्यमा अवरोध उत्पन्न भई उच्च रक्तचापको विकास हुन्छ ।
जसबाट अन्ततोगत्वा मुटुमा नकारात्मक असर पर्दछ । यसकारण रगतमा यूरिक एसिड बढेको पाइएमा उपचार गराउनु राम्रो हुन्छ । रगतमा यूरिक एसिड बढी भएमा रोगीहरुले खानामा विशेष ध्यान दिनुपर्छ ।
मुख बार्नु पर्ने खानाहरु
१. रातो मासु, (खसी, राँगो) भित्रि मासु, (कलेजो, मुटु, मिर्गौला, गिदी, फोक्सो आदि)
२.समुन्द्री माछाहरु प्राउन लोबस्टर
३. ड्राईफुट्स, काजु, ओखर, पेस्ता आदि ।
४. सबै प्रकारका दाल र गेडागुडीहरु
५. अण्डा
६. रक्सीहरु
७. गोलभेडा, काउली, फालुङ्गो साग ।
प्रसस्त मात्रामा खाए हुने खानाहरु
१. रोटी, गहुँ, आँटा, चामल आदि ।
२. मौसमी तरकारी तथा सागपातहरु (सिमी बोडी आदि बाहेक)
३.सबै प्रकारका मौसमी ताजा फलफुलहरु ।
