APEN पर्सा जिल्ला कार्यसमितिमा नयाँ पदाधिकारी चयन, प्रारम्भिक शिक्षाको गुणस्तर सुधारमा जोड
-
संजय कुशवाहा
- today२४ आश्विन २०८३
वीरगञ्ज। बाल प्रारम्भिक शिक्षक संघ नेपाल (APEN), पर्सा जिल्ला कार्यसमितिमा विभिन्न मन्टेसरी तथा प्रि–स्कुलका सञ्चालक एवं शिक्षाकर्मीहरू नयाँ जिम्मेवारीमा चयन भएका छन्। प्राप्त विवरणअनुसार जिल्ला कार्यसमितिको अध्यक्षमा आइडियल मोन्टेसरी स्कुल, वीरगञ्जका श्री सुमित कलवार, उपाध्यक्षमा लिटिल स्टार मोन्टेसरी, वीरगञ्जकी श्रीमती सुधा तिवारी, सचिवमा फर्स्ट स्टेप प्रि–स्कुल, वीरगञ्जका श्री अजय बाल र कोषाध्यक्षमा युरो स्कुल, वीरगञ्जकी श्रीमती मौशम भाङ्गर रहेका छन्। त्यसैगरी, कार्यकारी सदस्यमा लिटिल स्टार मोन्टेसरी, सिमराकी श्रीमती सबिता सुवेदी तथा रोयल किड्स मोन्टेसरी, वीरगञ्जकी श्रीमती रुचिका श्रीवास्तव चयन भएका छन्।
नयाँ कार्यसमितिले बालबालिकाको प्रारम्भिक शिक्षाको गुणस्तर अभिवृद्धि, शिक्षकहरूको क्षमता विकास, संस्थागत सहकार्य तथा मन्टेसरी शिक्षालाई थप व्यवस्थित र प्रभावकारी बनाउन महत्त्वपूर्ण भूमिका खेल्ने अपेक्षा गरिएको छ। यसैबीच, APEN पर्सा जिल्ला कार्यसमितिमा कार्यकारी सदस्यको जिम्मेवारीमा चयन हुनुभएकी रुचिका श्रीवास्तवलाई पर्सा जिल्ला अध्यक्ष तथा प्याब्सन वीरगञ्ज महानगरका अध्यक्ष राहुल श्रीवास्तवले हार्दिक बधाई तथा सफल कार्यकालको शुभकामना व्यक्त गरेका छन्। बालबालिकाको उज्ज्वल भविष्यका लागि प्रारम्भिक शिक्षाको विकास र गुणस्तरीय शिक्षण अभ्यासलाई प्राथमिकता दिँदै नयाँ कार्यसमितिले प्रभावकारी रूपमा काम गर्ने विश्वास व्यक्त गरिएको छ।
