१०० दिनको रिपोर्ट कार्ड सार्वजनिक गर्दै बालेन सरकार उपलब्धि र आलोचना दुवै चर्चामा
-
कृष्ण प्रसाद शर्मा
- today२० असार २०८३
काठमाडौं । राष्ट्रिय स्वतन्त्र पार्टी (रास्वपा) का नेता बालेन शाह नेतृत्वको सरकारले आज आफ्नो १०० दिने कार्यप्रगति सार्वजनिक गर्ने भएको छ। प्रधानमन्त्रीको सचिवालयका अनुसार दिउँसो ३ बजे सिंहदरबारबाट सय दिनमा भएका काम, उपलब्धि र कार्यप्रगतिबारे औपचारिक विवरण सार्वजनिक गरिनेछ। सरकारले २०४८ यताका उच्चपदस्थ अधिकारीको सम्पत्ति छानबिनका लागि आयोग गठन, १,५९४ राजनीतिक नियुक्ति खारेज, कर्मचारी ट्रेड युनियन
र विश्वविद्यालयका स्ववियु खारेजी, कर्मचारी सरुवामा अनलाइन प्रणालीको सुरुवात, सेवाप्रवाह सुधार, भ्रष्टाचार तथा वित्तीय अपराधमा आक्रामक अनुसन्धान, सहकारी समस्या समाधानका पहल र सरकारी जग्गा फिर्ता प्रयासलाई प्रमुख उपलब्धिका रूपमा प्रस्तुत गर्ने तयारी गरेको छ। यद्यपि सरकारमाथि विकल्पबिना सुकुम्बासी हटाएको
व्यवसायीलाई दुःख दिएको, विपक्षीमाथि प्रतिशोधपूर्ण कारबाही गरेको, शिक्षालगायत क्षेत्रमा कर बढाएको, महँगी नियन्त्रण गर्न नसकेको तथा श्रमजीवी वर्गका लागि प्रभावकारी योजना ल्याउन नसकेको आरोप पनि लाग्दै आएको छ। सरकारको १०० दिने रिपोर्टले यी उपलब्धि र आलोचनाबीच कस्तो सन्देश दिन्छ भन्नेमा राजनीतिक वृत्तको चासो केन्द्रित भएको छ।
