१२ भदौ २०८३, शुक्रबार / 28 August 2026, Friday
Download
  • होमपेज
  • समाचार
  • राजनीति
  • शिक्षा
  • खेलकुद
  • स्वास्थ्य
  • मनोरन्जन
  • बाल संसार
  • विचार
  • अन्य
    • menu
  • होमपेज
  • समाचार
  • राजनीति
  • शिक्षा
  • खेलकुद
  • स्वास्थ्य
  • मनोरन्जन
  • बाल संसार
  • विचार
  • अन्य

    • वीरगन्जमा समाचार संकलन गरेर फर्किँदै गरेका तीन पत्रकारमाथि भौतिक आक्रमण र लुटपाट; पत्रकार सम्बद्ध संघ-संगठनद्वारा भर्त्सना

    • बिराज यादव बिराज यादव
    • today३१ जेठ २०८३

     वीरगन्ज, ३१ जेठ । खुला सिमानाको दुरुपयोग गरी भइरहेको अवैध चोरी पैठारी (तस्करी) सम्बन्धी समाचार संकलन गरेर घर फर्किने क्रममा वीरगन्जमा तीन जना पत्रकारमाथि भौतिक आक्रमण र लुटपाट भएको छ। गत जेठ २९ गते शुक्रबार राति वीरगन्ज महानगरपालिका वडा नं. १०, सिर्सिया जाने बाटोमा पत्रकारहरू सञ्जय कुशवाहा, रवि वर्णवाल र रुस्तम अलीमाथि संगठित रूपमा आक्रमण भएको हो। यस घटनाप्रति नेपाल पत्रकार महासंघ, मधेश प्रदेश समिति र नेपाल मुस्लिम पत्रकार संघले छुट्टाछुट्टै प्रेस विज्ञप्ति जारी गर्दै गम्भीर ध्यानाकर्षण भएको जनाएका छन् र घटनाको कडा शब्दमा भर्त्सना गरेका छन्। सडकमै घेराबन्दी गरेर कुटपिट र लुटपाट पीडित पत्रकारहरूका अनुसार सिर्सिया जाने बाटोमा १०/१२ जनाको समूहमा रहेका चोरी पैठारीमा संलग्न तस्करहरूले उनीहरूलाई सडकमै घेराबन्दी गरेका थिए। तस्करहरूको समूहले पत्रकारहरूमाथि निर्घात कुटपिट गर्नुका साथै उनीहरूको मोबाइल फोन, नगद तथा अन्य महत्वपूर्ण सामानहरू समेत लुटेर लगेका छन्। खुला सिमानाको फाइदा उठाई भइरहेको अवैध चोरी पैठारीसम्बन्धी समाचार संकलन तथा प्रकाशन गरेकै प्रतिसोधमा आफूहरूमाथि योजनाबद्ध आक्रमण भएको पीडित पत्रकारहरूको भनाइ छ।

    Ad
    Ad
    Ad

    महासंघ र मुस्लिम पत्रकार संघको कडा आपत्ति घटना सार्वजनिक भएलगत्तै नेपाल पत्रकार महासंघ, मधेश प्रदेश समितिका सचिव दिपक प्रसाद गौतमद्वारा जारी विज्ञप्तिमा भनिएको छ: "कुनै पनि समाचारप्रति चित्त नबुझेको खण्डमा कानुनी उपचारको व्यवस्था हुँदाहुँदै स्वतन्त्र रूपमा समाचार संकलन पाउन सञ्चारकर्मीको अधिकार हनन गरी भौतिक आक्रमणमा उत्रिने कार्य निन्दनीय छ।" महासंघले घटनाको निष्पक्ष छानबिन गरी दोषीलाई अविलम्ब कानुनी दायरामा ल्याउन र श्रमजीवी पत्रकारहरूको भौतिक सुरक्षामा गम्भीर बन्न सम्बन्धित निकायसँग जोडदार माग गरेको छ। त्यसैगरी, नेपाल मुस्लिम पत्रकार संघ, पर्सा शाखा का अध्यक्ष मन्सुर मियाद्वारा जारी विज्ञप्तिमा समाचार सम्प्रेषणका क्रममा खटिएका पत्रकारमाथि भएको यस्तो भौतिक आक्रमणलाई सम्पूर्ण सञ्चार जगतमाथिको प्रहारका रूपमा लिएको उल्लेख छ।

    Ad
    Ad
    Ad

    संघले घटनामा संलग्न पहिचान भएका तथा फरार रहेका सबै व्यक्तिहरूलाई तत्काल पक्राउ गरी कारबाही गर्न माग गरेको छ। साथै, पत्रकारहरूलाई स्वतन्त्र र सुरक्षित रूपमा काम गर्ने वातावरण सुनिश्चित गर्न राज्य तथा सरोकारवाला निकायहरू गम्भीर बन्नुपर्नेमा जोड दिएको छ। प्रहरीले घटनाको विषयमा थप अनुसन्धान गरिरहेको र दोषीहरूको खोजी भइरहेको जनाएको छ।

    Ad
    Ad
    Ad
    Ad

    ताजा सूचना

    • तीन दिनदेखि हराइरहेका ११ वर्षीय राजेश गुप्ता भारतमा मृत फेला, घटनाबारे नेपाल–भारत प्रहरीले थाले अनुसन्धान
    • दृष्टि आँखा अस्पताल–रोटरी क्लब बीरगञ्जको संयुक्त अभियान : सूर्योदय स्कुलमा सयौँ विद्यार्थीको आँखा परीक्षण
    • बिरगंज महानगर पालिका वडा नं. २ मा नवनिर्मित सामुदायिक धर्मशालाको कार्यवाहक नगर प्रमुख आलमद्वारा उद्घाटन
    • मोहम्मद जयन्तीमा वीरगञ्जका विद्यालयमा सार्वजनिक बिदा, महानगरको कामकाज भने यथावत रहने
    • वीरगञ्जको होटल हिमाल एन्ड भान्सा घरमा अनुगमन, भान्साको अवस्था दयनीय भेटिएपछि ५० हजार जरिवाना
    ;

    सम्पर्क

    • प्रकाशक :
      अग्निपथ मिडिया प्राइभेट लिमिटेड
    • कम्पनी दर्ता नं. :
      ३०१७१५/०७९ /०८०
    • सुचना तथा प्रसारण बिभाग दर्ता नं. :
      ३९५९ - २०८०/२०८१
    • [email protected] 
    • [email protected]
    •  
    • प्रधान सम्पादक : कृष्ण प्रसाद शर्मा
    • प्रबन्ध निर्देशक : बिराज यादब  

    •  संचालक  :सन्जय कुशवाहा
    •  
    • मधेश प्रदेश :
    •  
    • संजय कुशवाहा :- 9855048861
    •  
    •  
    •  
    •  
    •  

    सोसल मिडिया

    • Subscribe YouTube Channel
    • Like us on Facebook
    • Follow us on Twitter

    मेनु

    • होमपेज
    • समाचार
    • राजनीति
    • शिक्षा
    • खेलकुद
    • स्वास्थ्य
    • मनोरन्जन
    • बाल संसार
    • विचार
    • अन्य
    • © अग्नीपथ -2022 All rights reserved.