सुकुम्बासी बस्तीमा डोजर चलाएको विरोधमा बिहीबार चक्काजामको घोषणा
-
बिराज यादव
- today३० बैशाख २०८३
काठमाडौं । सुकुम्बासी तथा अव्यवस्थित बस्ती हटाउने सरकारको अभियानको विरोधमा अखिल नेपाल सुकुम्बासी संघले बिहीबार देशव्यापी आन्दोलनको घोषणा गरेको छ। संघले बिहान ५ बजेदेखि १० बजेसम्म पूर्व–पश्चिम राजमार्ग अवरुद्ध गर्दै चक्काजाम गर्ने जनाएको छ।
बुधबार काठमाडौंको संवाद डबलीमा आयोजित पत्रकार सम्मेलनमा संघका नेताहरूले सरकारले वैकल्पिक व्यवस्था नगरी बस्ती भत्काउँदा हजारौं परिवार विस्थापित भएको र अरबौं रुपैयाँ बराबरको क्षति पुगेको आरोप लगाए।
नेपाल कम्युनिस्ट पार्टी निकट अखिल नेपाल सुकुम्बासी संघका इन्चार्ज नहेन्द्र खड्काले राज्यले नागरिकलाई बसोबासको अधिकार सुनिश्चित गर्नुको सट्टा जबर्जस्ती हटाउने नीति अपनाएको भन्दै त्यसको प्रतिवादस्वरूप आन्दोलनमा उत्रिन बाध्य भएको बताए
