माझगाउँमा ऐतिहासिक उपलब्धि : ‘एक घर, एक धारा’ कार्यक्रमबाट प्रत्येक घरमा पुगे स्वच्छ खानेपानी
-
अग्निपथ सम्बादाता
- today२७ बैशाख २०८३
गोर्खा वेलफेयर ट्रस्टको ३६ लाख र स्थानीयको श्रमदानबाट ४५ लाखको परियोजना सम्पन्न, जैमिनी–३ देउरालीखानीका सबै घरमा पुगे स्वच्छ खानेपानी
बागलुङ, बैशाख २७ — बागलुङको Jaimini Municipality–३ देउरालीखानी माझगाउँमा दशकौँदेखि झेलिँदै आएको खानेपानी समस्या अन्ततः समाधान भएको छ। “एक घर, एक धारा” कार्यक्रमअन्तर्गत गाउँका प्रत्येक घरमा निजी धारा जडान भएपछि स्थानीयवासीमा उत्साह र खुसी छाएको छ।
Gurkha Welfare Trust Nepal� को ३६ लाख रुपैयाँ आर्थिक सहयोग र स्थानीयवासीको ९ लाख रुपैयाँ बराबरको श्रमदानबाट कुल ४५ लाख रुपैयाँ लागतमा परियोजना सम्पन्न गरिएको हो।
माझगाउँभन्दा माथि रहेको छरछरे मूलबाट पानी संकलन गरी पाइपलाइनमार्फत घरघरमा पुर्याइएको छ। योजनाअन्तर्गत दुई वटा २,००० लिटर र दुई वटा ५,००० लिटर क्षमताका ट्याङ्की निर्माण गरिएको छ।
Gurkha Welfare Trust Nepal� को ३६ लाख रुपैयाँ आर्थिक सहयोग र स्थानीयवासीको ९ लाख रुपैयाँ बराबरको श्रमदानबाट कुल ४५ लाख रुपैयाँ लागतमा परियोजना सम्पन्न गरिएको हो।
माझगाउँभन्दा माथि रहेको छरछरे मूलबाट पानी संकलन गरी पाइपलाइनमार्फत घरघरमा पुर्याइएको छ। योजनाअन्तर्गत दुई वटा २,००० लिटर र दुई वटा ५,००० लिटर क्षमताका ट्याङ्की निर्माण गरिएको छ।
देउरालीखानी माझगाउँ खानेपानी तथा सरसफाइ उपभोक्ता समितिका अध्यक्ष वेदबहादुर छन्त्यालका अनुसार स्रोत नजिकै भए पनि पहुँच नहुँदा स्थानीयले वर्षौँसम्म एउटा सार्वजनिक धारामा घण्टौँ लाइन बस्नुपर्ने बाध्यता थियो।
स्थानीय मनकुमारी छन्त्यालले अब बिहानदेखि बेलुकासम्म पानीको चिन्ता हटेको बताउँदै भनिन्, “अब जतिबेला चाहियो, आँगनकै धारा खोलेर पानी भर्न पाएका छौँ। यो हाम्रो जीवनकै ठूलो राहत हो।”
Jaimini Municipality का उपप्रमुख हरिहर शर्माले खानेपानी अभावका कारण कतिपय बस्तीबाट बसाइँसराइसमेत भएको उल्लेख गर्दै अब कुनै पनि नागरिक स्वच्छ खानेपानीबाट वञ्चित नहुने बताए।
यो परियोजनाले केवल पानी मात्र होइन, गाउँलेहरूको दैनिकी, स्वास्थ्य र जीवनस्तरमै ठूलो परिवर्तन ल्याएको स्थानीयहरूको भनाइ छ.
