वीरगन्जका मेयर राजेशमान सिंहले सामुदायिक विद्यालय सुधारका लागि कडा ‘डेडलाइन’ तोक्दै आज वीरगन्ज का विद्यालयहरूमा आकस्मिक अनुगमन
-
संजय कुशवाहा
- today५ चैत्र २०८२
अनुगमनका क्रममा मेयर सिंहले विद्यालयमा नियमित कक्षा सञ्चालन भइरहेको छ वा छैन, विद्यार्थीहरूको उपस्थिति कत्तिको नियमित छ, सरकारले उपलब्ध गराउँदै आएको दिवा खाजाको गुणस्तर र वितरण अवस्था कस्तो छ, तथा विद्यालयको सरसफाइको वास्तविक स्थिति के छ भन्ने विषयमा गहन चासो राखेका थिए।
स्थानीय स्रोतका अनुसार, मेयरको यो ‘सडन इन्स्पेक्सन’ले विद्यालय प्रशासन र शिक्षकहरूमा तरंग पैदा गरेको छ। लामो समयदेखि देखिँदै आएका ढिलासुस्ती, कमजोर व्यवस्थापन र अनियमितताको अन्त्य गर्ने संकेतस्वरूप यस कदमलाई हेरिएको छ।
मेयर सिंहले स्पष्ट सन्देश दिँदै भने, “शिक्षा क्षेत्रमा कुनै पनि लापरबाही सह्य हुँदैन। विद्यार्थीको भविष्यसँग खेलवाड गर्नेलाई कारबाही गरिनेछ।” उनले गुणस्तरीय शिक्षा, अनुशासन र स्वच्छ वातावरण सुनिश्चित गर्न कडा निगरानी जारी रहने चेतावनीसमेत दिएका छन्
