वीरगंज मा ७७ औँ अन्तर्राष्ट्रिय मानव अधिकार दिवसको अवसरमा घन्टाघरमा दीप प्रज्वलन कार्यक्रम सम्पन्न
-
संजय कुशवाहा
- today२४ मंसिर २०८२
बिरगंज, २४ मंसिर ७७ औँ अन्तर्राष्ट्रिय मानव अधिकार दिवसको अवसरमा एमनेस्टी इन्टरनेशनल नेपाल, समूह–१६ बिरगंजले घन्टाघर क्षेत्रमा दीप प्रज्वलन कार्यक्रम भव्य रूपमा सम्पन्न गरेको छ। मानव अधिकारको संवर्द्धन तथा संरक्षणप्रति जनचेतना अभिवृद्धि गर्ने उद्देश्यले आयोजित कार्यक्रम स्थानीय समुदाय तथा विभिन्न अभियन्ताहरूको सक्रिय सहभागितामा सम्पन्न भएको हो। कार्यक्रमको अध्यक्षता समूह–१६ का अध्यक्ष रजनीश झाले गरेका थिए। कार्यक्रममा राजेश जैन बोथारा,सुरेश पारीक,सञ्जय कुशवाहा,सुनिल महतो (सचिव),अरुण झा,शम्भुजी,मनु यादव (कोषाध्यक्ष),जगत नारायण सिंह,विनीत जैसवाल लगायत व्यक्तिहरूको उल्लेखनीय उपस्थिति रहेको थियो। यसै क्रममा एमनेस्टी इन्टरनेशनलद्वारा आयोजित मानव अधिकार शिक्षा प्रशिक्षण कार्यक्रम पनि सम्पन्न गरिएको छ। प्रशिक्षणमा रजनीश झा र शम्भुजीले प्रशिक्षकका रूपमा सहभागिता जनाउँदै मानव अधिकारका आधारभूत अवधारणा, दायित्व तथा स्थानीयस्तरमा अधिकार संरक्षणका उपायहरूबारे महत्वपूर्ण प्रशिक्षण प्रदान गरेका थिए।
यस प्रशिक्षण कार्यक्रम बिरगंजस्थित हिमाल इन्स्टिच्युटमा सम्पन्न भएको थियो। एमनेस्टी इन्टरनेशनल समूह–१६ का प्रतिनिधिहरूले मानव अधिकार दिवसले मानवताको रक्षा, समानता र न्यायको खोजीमा सबैलाई एकजुट भएर अगाडि बढ्न प्रेरणा दिने बताएका छन्।
