बीरगञ्ज भन्सार क्षेत्रबाटर १५ लाख हुण्डीसहित भारतीय पक्राउ
-
संजय कुशवाहा
- today१२ मंसिर २०८२
वीरगञ्ज— भारत–नेपाल सीमामा पुनः हुण्डी कारोवारको ठूला नेटवर्क सक्रिय रहेको प्रमाणित हुने अर्को घटनामा पर्साका प्रहरी टोलीले १५ लाख रुपैयाँ बराबरको श्रोत नखुलेको हुण्डी रकमसहित एक भारतीय नागरिकलाई पक्राउ गरेको छ। विशेष सूचनाका आधारमा खटिएको टोलीले पर्सा जिल्लाको पकाहामैनपुर-१, धोरेस्थित सडक चोकमा BR22AF4126 नम्बरको मोटरसाइकललाई रोकेर चेकजाँच गर्दा स्कुटरको भित्री भागमा बाकसको जालीभित्र लुकाएर राखिएको ठूलो मात्रामा रकम फेला पारेको हो। बरामद रकम विवरणः रु १,००० दरका नोट — ७,००,००० रु ५०० दरका नोट ३,२०० थान — १६,००,००० रु २०० दरका नोट २,६६५ थान — ५,३३,००० रु १०० दरका नोट ४२ थान — ४,२०० रु ५० दरका नोट ७० थान — ३,५०० जम्मा बरामद रकम: रु १५,०४,७०० उक्त रकम मोटरसाइकलको गुप्त स्थानमा विशेष तरिकाले लुकाएर तस्करी शैलीमा सारिँदै गरेको पाइएको प्रहरीले बताएको छ। भारतबाट नेपाल भित्र्याइने ठूलो परिमाणको अवैध रकम देशभर सक्रिय हुण्डी र अवैध वित्तीय सञ्जालका लागि ठूलो झट्का मानिएको छ। पक्राउ परेका व्यक्ति— भारत, बिहार, मोतिहारीका ४५ वर्षीय अवदेश पटेल प्रहरीले अवैध रकम कारोबार, हुण्डी कारोबार र आर्थिक अपराधसम्बन्धी ऐन अन्तर्गत थप अनुसन्धान अघि बढाएको जनाएको छ।
