विश्रामपुरमा पुनः सुनिलप्रसाद केशरी: “इमान्दारिताको कुनै विद्यामा पर्दैन्न?” —फिर्ता भएदेखि नै स्थानीय आक्रोशित
-
अग्निपथ सम्बादाता
- today९ कार्तिक २०८२
विश्रामपुर, बारा | “कुन विद्यामा अध्ययन गरेका हुन् प्रमुख प्रशासकीय अधिकृत सुनिलप्रसाद केशरी, जसमा इमान्दारिता, सदाचार र नैतिकता पर्दैन?” — यही प्रश्न अहिले विश्रामपुर गाउँपालिकामा सर्वत्र घन्किएको छ। एकपटक विवादसहित गाउँपालिका छोडेका प्रमुख प्रशासकीय अधिकृत (प्र.प्र.अ.) सुनिलप्रसाद केसरी पुनः त्यसै ठाउँमा फर्किएपछि स्थानीयवासी आक्रोशित बनेका छन्।
स्थानीयहरूको आरोप छ — केशरी यसपालि मन्त्रालयसम्म राजनीतिक पहुँच र भनसुनको बलमा गाउँपालिकामा आएका हुन्, मानौं उनले ठूलो युद्ध जितेर ‘राजगद्दी’ कब्जा गरेका हुन्। कागजमै सीमित कार्यक्रम, कार्यान्वयन शून्य स्थानीय युवाहरूका अनुसार समाजिक क्षेत्रका अन्तर्गत पर्ने महिला सीपमूलक तालिम, युवा सशक्तिकरण, ज्येष्ठ नागरिक र बालबालिका कार्यक्रमहरू सबै कागजमै सीमित छन्। “लेखा परीक्षणको समय नजिकिँदा फाइल तयार हुन्छ, तर कार्यान्वयन शून्य,” युवाहरूको गुनासो छ। त्यस्तै, गाउँपालिकाले हरेक वर्ष लोकसेवा र शिक्षा सेवा तयारीका लागि पाँच–पाँच लाख रुपैयाँ बजेट छुट्याउने गरे पनि कक्षा कहिल्यै सञ्चालन भएको छैन। “कागजमा मात्रै हस्ताक्षर हुन्छ, पैसा बाँडफाँड हुन्छ,” अध्ययनरत विद्यार्थीहरू बताउँछन्।
💰 ‘कमिसन खोरी’मा छुट्टै पहिचान -- सरकारी कर्मचारीहरूका अनुसार सुनिलप्रसाद केसरीको “कमिसन खोरीमा छुट्टै पहिचान” रहेको चर्चा छ। अघिल्लो कार्यकालमा पनि भागबण्डा नमिलेपछि विवादमा परेर गाउँपालिका छोडेका उनी, फेरि फर्किएपछि स्थानीयवासीहरूमा असन्तोष झनै बढेको छ।
⚠️ युवाहरूको चेतावनी — “अब मौन बस्दैनौं” स्थानीय युवाहरूले अब भ्रष्टाचार, अनियमितता र व्यथितीको विरुद्ध कडा कदम चाल्ने चेतावनी दिएका छन्। उनहरूको भनाइमा — “जनताको पसिनाबाट तिरेको करले चल्ने गाउँपालिकामा पदाधिकारीहरूले राजगद्दी जस्तै व्यवहार गरेका छन्। यसको सम्पूर्ण जिम्मेवारी गाउँपालिका अध्यक्ष जुल्फकार अलि भुट्टो (जुबेर भाइ) र प्रमुख प्रशासकीय अधिकृत दुवैले लिनुपर्छ।”
