“पत्रकार र तस्करबीच डिल बिग्रियो — अब सुरु भयो चरित्रकाण्ड !”
-
अशोक यादब
- today२९ आश्विन २०८२
बीरगञ्ज | प्रतिनिधि — पत्रकारिता र तस्करीको सीमाना धमिलो हुने गरी एउटा सनसनीपूर्ण विवाद सार्वजनिक भएको छ। आफूलाई ‘पत्रकार’ भनेर परिचय दिने भरत सराफको फेसबुक पोस्टले अहिले सामाजिक सञ्जालमा ठूलो हङ्गामा मच्चाएको छ।
सराफले आफ्नो निजी प्रोफाइलमार्फत पवन र प्रेम नाम गरेका व्यक्तिहरूको नाम उल्लेख गर्दै “टिमहरूको भिडियो आउँदैछ” भनेर एक प्रकारको चेतावनीसदृश स्टेटस लेखेपछि विवादले उग्र रूप लिएको हो। तर यो ‘स्टेटस’ पछि कथा अर्कोतिर मोडिएको छ — ती व्यक्तिहरूले उल्टै सराफमाथि नै पैसाको लेनदेनको प्रमाणसहित गम्भीर आरोप लगाएका छन्। --- 💸 "पत्रकारले पैसा मागे र लिँदै आए" — पीडितको दाबी सो पोस्टमा प्रतिकृया जनाउँदै पवन र प्रेम नामका ती व्यक्तिहरूले भनेका छन्, >
“उनी (भरत सराफ) पटक–पटक पैसा माग्थे, हामीले पठायौँ पनि। प्रमाणस्वरूप उनको खातामा पैसा ट्रान्सफर गरेको स्क्रिनसट पनि सार्वजनिक गरेका छौँ।” सो स्क्रिनसट अहिले सराफकै फेसबुक पोस्टको कमेन्ट सेक्सनमा खुलेआम देख्न सकिन्छ। --- 😡
“छोरी–बुहारी तर्साउने प्रवृत्ति” स्थानीयहरूले यो घटनालाई “छोरी–बुहारी तर्साउने प्रवृत्ति” को संज्ञा दिएका छन्। पत्रकारको जिम्मेवारी समाचार लेखेर तथ्य उजागर गर्नु हो, तर सराफले स्टेटसमार्फत व्यक्तिलाई धम्क्याउने शैलीमा प्रस्तुत भएपछि उनको नियतमाथि गम्भीर प्रश्न उठेको स्थानीयहरूले बताएका छन्। --- 🕵️♂️
प्रहरी, पत्रकार र तस्करको ‘त्रिकोण गठबन्धन’ ? बारा पर्सा क्षेत्रमा प्रहरी, पत्रकार र तस्करबीच लामो समयदेखि ‘साथीपना र सौदाबाजी’ चल्दै आएको स्थानीयवासीको दाबी छ। “यी तिनै एकै ठाउँ बस्छन्, क्षणमै लड्छन् अनि मिल्छन् पनि,” एक स्थानीयले भनिन्, >
“भोजपुरीमा भनिन्छ — मिलल त रहरी मे, नात कचहरी मे!” --- 🔍 अब प्रश्न उठ्छ — के भरत सराफको पोस्ट पत्रकारिताको मर्मअनुसार थियो ? के यसमा प्रहरीको पनि संलग्नता छ ? के यो केवल ‘डिल’ बिग्रिएर सुरु भएको भण्डाफोर हो ? अब हेर्न बाँकी छ
— पत्रकार, तस्कर र प्रहरीबीचको ‘गोप्य प्रेम’ कति गहिरो थियो, र यो विवाद कहाँ पुग्छ।
