तुइनखोलामा पुनः खस्यो भयंकर पहिरो, मुग्लिन-नारायणगढ सडक अनिश्चितकालका लागि बन्द
-
बिशाल यादब
- today७ आश्विन २०८२
काठमाडौं। मुग्लिन–नारायणगढ सडक अनिश्चितकालका लागि बन्द भएको छ। तुइनखोलामा पुनः पहिरो खसेसँगै सडक बन्द भएको हो।
मंगलबार दिउँसो ३ः२० बजे खसेको भयंकर सुक्खा पहिरोले सडक पूर्णरूपमा अवरुद्ध भएको कहिले सम्म खुल्ने भन्ने कुनै जानकारी नभएको प्रहरीले जनाएको छ।
पहिरोले सडक नै भासिन सक्ने जोखिमका कारण सडक खुल्न कति दिन लाग्ने भन्ने आँकलन गर्न नसकिने अवस्था रहेको र आवश्यक निर्णय लिन सडक विभागको टोलीसहित सुरक्षा समितिको बैठक अहिले बसिरहेको बताइएको छ।
त्यहाँ रहेका सवारी साधनहरुलाई फर्काएर वैकल्पिक मार्गमार्फत पठाइएको छ।
