पोखरीमा डुबेर दुई बालिकाको मृत्यु
-
बिशाल यादब
- today७ आश्विन २०८२
सप्तरी- सप्तरीको सुरुङ्गा नगरपालिका- २ हर्दियामा पोखरीमा डुबेर आज दुई बालिकाको मृत्यु भएको छ।
मृत्यु हुनेमा स्थानीय सुरेन्द्र चौधरीकी ७ वर्षीया छोरी सुस्तिका चौधरी र केशर चौधरीकी ११ वर्षीया छोरी आशकी चौधरी रहेका छन्।
दुवै जना नुहाउने क्रममा पोखरीमा डुबेका थिए। घटनाबारे स्थानीयले जानकारी दिएपछि स्थानीयवासीको सहयोगमा प्रहरीले शव बाहिर निकालेको हो।
प्रहरीका अनुसार घटनाबारे थप अनुसन्धान भइरहेको छ।
