देउवाको टाउकोमा धारिलो हतियार प्रहार, १२ वटा टाँका लगाइयो
-
बिरेन्द्र यादब
- today३ आश्विन २०८२
काठमाडौं। नेपाली कांग्रेस सभापति शेर बहादुर देउवाको गर्दनमाथि १२ वटा टाँका लगाइएको छ। पार्टी कार्यालय सानेपामा शुक्रबार बसेको कांग्रेस केन्द्रीय कार्यसमितिको बैठकको निर्णयबारे जानकारी दिँदै प्रचार विभाग प्रमुख मीन विश्वकर्माले देउवाको उपचार जारी रहेको बताए।
धारिलो हतियारले काटिँदा गर्धनभन्दा माथि टाउकोमा गम्भीर चोट लागेकोले १२ वटा टाँका लगाउनु परेको उनको बताए। विश्वकर्माले पार्टी सभापति देउवा र केन्द्रीय सदस्य आरजु राणा देउवाको स्वास्थ्यमा क्रमिक सुधार देखिएको जानकारी चिकित्सकहरुले दिएको उल्लेख गरे।
यस्तै कांग्रेस बैठकले जेनजी आन्दोलनका क्रममा भएको घटनाको छानबिनका लागि उच्चस्तरीय न्यायीक आयोग गठन गर्न माग गरेको छ।
जेनजी आन्दोलनका क्रममा सार्वजनिक र निजि सम्पतीमा तोडफोड र आगजनीका साथै लुटपाटका घटनाको निन्दा र भत्र्सना गदै घटनाको सत्यतथ्य छानबिन गरि दोषिलाई कानूनी कारबाहीको दायरामा ल्याउन उच्चस्तरीय न्यायीक छानबिन आयोगको माग विश्वकर्माले बताए।
संविधानको संरक्षण र अहिलको शासन व्यवस्थाको संस्थागत स्थायीत्वमार्फत मुलुकमा विकसित वर्तमान राजनीतिक अवस्थाको उचित निकास पनि अहिलेको संविधानभित्रैबाट खोज्न सकिने पार्टीको दृढ विश्वास रहेको उनले बताए।
