पर्साको अलौ नाका : सुरक्षाकर्मीकै मिलोमतोमा तस्करीको अखडा
-
बिशाल यादब
- today३० भदौ २०८२
पर्साको अलौ नाका : सुरक्षाकर्मीकै मिलोमतोमा तस्करीको अखडा
देशभर भ्रष्टाचार, तस्करी र कालोबजारीविरुद्ध आवाज चर्किदै गर्दा, पर्सा जिल्लास्थित अलौ सीमास्थलबाट खुलेआम तस्करी भइरहेको तथ्यले सबैलाई चकित पारेको छ। हैरानीको कुरा त के छ भने, सुरक्षा दिने जिम्मेवारी पाएका प्रहरी र सशस्त्र प्रहरी नै यो अवैध कारोबारका संरक्षक बनेका छन्।
DSP र घुमुवा प्रहरीको प्रत्यक्ष संलग्नता
स्थानीय स्रोतका अनुसार, बीओपी अलौका डिएसपी पुजारी र श्रीसिया चौकीका घुमुवा सरोज यादवको प्रत्यक्ष संलग्नतामा चिनी, मटर, कपडा, हार्डवेयर, रनिगन्धा जस्ता वस्तुहरू नियमित रूपमा अवैध रूपमा भारतबाट नेपाल भित्र्याइँदै छन्। सीमा सुरक्षाको जिम्मा पाएका अधिकारीहरू नै तस्करीको मुख्य हिस्सा बनेको देख्दा प्रशासनिक अखण्डताको स्तर कति तल झरेको छ भन्ने स्पष्ट हुन्छ।
भ्रष्ट तन्त्रको उपज : प्रहरी-राजनीति गठजोड
यस्तो अवस्था कुनै एक सीमित अधिकारीको स्वार्थको परिणाम मात्र होइन, बरु यो राजनीतिक नेतृत्वले बनाएको कमजोर शासन व्यवस्थाको उपज हो। प्रशासनिक संयन्त्रमा जवाफदेहिता नभएको, तथा कानूनी कारबाहीको डर नगर्ने प्रवृत्तिका कारण प्रहरीहरू निर्विकल्प रूपमा आपराधिक क्रियाकलापमा संलग्न भइरहेका छन्।
जनताको विश्वासमा धक्का
जब जनताको सुरक्षाका लागि खटिएका निकायहरूले नै राष्ट्रघात गर्ने गतिविधिमा संलग्न हुन्छन्, तब प्रशासनप्रति जनताको विश्वासमा गम्भीर चोट पुग्छ। तस्करी बढेसँगै देशको अर्थतन्त्रमा नकारात्मक असर परेको छ, र त्यसको भार किसान, साना व्यापारी र सर्वसाधारणले बेहोरिरहेका छन्।
मुख्य प्रश्नहरू
👉 के अहिलेको सरकारले प्रहरी संगठनभित्रै रहेको यस्तो तस्करी गिरोहलाई निष्पक्ष रूपमा कारबाही गर्नसक्छ?
👉 कि फेरि अघिल्ला सरकारहरूजस्तै ढाकछोप, सरुवा वा समय कटाउने उपायमा सीमित हुन्छ?
यदि सरकार र प्रशासन अझै पनि मौन रहन्छ भने, यस्तो प्रवृत्ति फैलिंदै जानेछ र एक दिन त्यो देशकै अस्तित्वलाई संकटमा पार्नेछ।
तस्करी प्रहरी प्रशासन को मिलोमत्तोमा भएको भिडियो हेर्न तलको लिंक मा जानुहोस :-
https://www.facebook.com/agnipathmedia/videos/2580286809004150
