प्रतिनिधिसभा विघटन, चुनावको मिति तोकियो
-
बिशाल यादब
- today२७ भदौ २०८२
काठमाडौं। राष्ट्रपति रामचन्द्र पौडेलले प्रतिनिधिसभा विघटन गर्ने मन्त्रिपरिषद्को सिफारिस स्वीकृत गरेका छन्।
शुक्रबार नियुक्त भएकी अन्तरिम सरकारकी प्रधानमन्त्री सुशीला कार्कीले पहिलो निर्णयका रुपमा संसद विघटनको सिफारिस गरेकी हुन्। प्रधानमन्त्रीको उक्त सिफारिस राष्ट्रपतिले स्वीकृत गरेका छन्।
संसद विघटन गर्दै चुनावको मिति समेत तोकिएको छ। प्रधानमन्त्री कार्कीको सिफारिसमा राष्ट्रपतिले चुनावको लागि आगामी फागुन २१ गतेकाे मिति घोषणा गरेका हुन्।
सर्वोच्च अदालतको पहिलो महिला प्रधानन्यायाधीश भएर इतिहास रचेकी नवनियुक्त प्रधानमन्त्री कार्की देशको पहिलो कार्यकारी प्रमुख बन्न सफल भएकी हुन्।
जेनजी समूहको आन्दोलनका मागअनुसार राष्ट्रपति रामचन्द्र पौडेलले विषम र असाधारण परिस्थितिमा युवा पुस्ताद्वारा प्रकट गरिएको माग र आकांक्षा बमोजिम राजनीतिक दल र सरोकारवालासँगको परामर्शमा उनलाई प्रधानमन्त्रीमा नियुक्ति गरेका हुन्।
