सञ्चारगृह र सञ्चारकर्मीमाथिको आक्रमण र धम्की बढेको भन्दै महासंघद्वारा चिन्ता
-
मेराज हास्मी
- today२६ भदौ २०८२
काठमाडौँ- जेनजीको आन्दोलनसँगै प्रेस स्वतन्त्रता हननका घटनामा वृद्धि भइरहेका नेपाल पत्रकार महासंघले जनाएको छ।
बिहीबार साँझ प्रकाशित विज्ञप्तिअनुसार महासंघमा प्रेस स्वतन्त्रता हननका थप घटना भएको जानकारी प्राप्त भएको उल्लेख गरेको हो।
विज्ञप्तिअनुसार तोडफोड र आगजनी
१) इलामस्थित नेपालवाणी एफएम र इलाम एक्सप्रेस दैनिकको कार्यालयमा तोडफोड
२) चितवतस्थित सफल खबर डटकम र चुरे सन्देशको कार्यालयमा लुटपाट र आगजनी
३) चितवनस्थित कालिका एफएममा तोडफोड र सञ्चार सामग्रीमा आगजनी
४) चितवनमै पत्रकार सन्तोष देउजाको घरमा लुटपाट र आगजनी
दुर्व्यवहार तथा धम्की
५) सर्लाहीस्थित मलंगवामा रहेको वंशल प्रहरी विटमा भएको आगजनीको समाचार संकलनमा पुगेका मेरो शान टिभीका पत्रकार राजीव साहमाथि दुर्ववहार
६) नेपाल पत्रकार महासंघ काभ्रेपलान्चोक शाखाका पूर्व अध्यक्ष मोतिराम तिमिल्सिनाको घर अगाडि बम राखियो। बम डिष्पोज भए पनि धम्की आइरहेको।त्यस्तै, सञ्चार गृह र पत्रकारमाथि भइरहेका घटनाप्रति नेपाल पत्रकार महासंघले निन्दा र खेद प्रकट गरेको छ। साथै, उल्लेखित प्रेस स्वतन्त्रता हननका घटनामा संलग्नहरूको पहिचान गरी कानुनी कारबाही गर्न सम्बद्ध निकायसँग महासंघले आग्रह गरेको छ।
अन्यथा प्रेसको संवैधानिक अधिकार र जनतालाई सूचना प्रवाह गर्ने दायित्वका लागि आन्दोलनमा उत्रन बाध्य हुने महासचिव रामप्रसाद दाहालद्वारा जारी विज्ञप्तिमा उल्लेख छ।
