सेनाले प्रचण्डलाई बाहिर निस्कन दिएको छैन: माओवादी सांसद्
-
बिशाल यादब
- today२६ भदौ २०८२
काठमाडौं- नेकपा माओवादी केन्द्रका नेता तथा प्रतिनिधि सभा सदस्य माधव सापकोटाले पार्टी अध्यक्ष पुष्पकमल दाहाल ‘प्रचण्ड’लाई नेपाली सेनाले बाहिर निस्कन नदिएको बताएका छन्।
उनले सामाजिक सञ्जाल फेसबुकमा जनताको बीचमा ल्याउन कोसिस गर्दा पनि सुरक्षा खतराको बहानामा सेनाले निस्कन नदिएको बताएका हुन्।
उनले लेखेका छन्- ‘हाम्रो पार्टीका अध्यक्ष कमरेड प्रचण्डलाई हामीले हरेक दिन बाहिर जनताको बिचमा ल्याउन कोसिस गर्यौँ तर सुरक्षा खतराको बहानामा जङ्गी अड्डाले निस्कन नदिएको सत्य हो।’
उनले देशको परिस्थिति गम्भीर बनेको उल्लेख गर्दै जङ्गी अड्डाले नेपालको वास्तविकता र अग्रगमनलाई चुनौती दिई राष्ट्रिय सङ्कट निम्त्याउँदै गरेको दाबी पनि गरेका छन्।
उनले जस्तो सुकै सङ्कटमा पनि कोही विचलित नभई नेपाली जनताको सार्वभौमिकताको रक्षाका लागि निरन्तर लड्ने पनि बताएका छन्।
जस्तो सुकै परिस्थितिमा पनि नेपालको परिवर्तन र अग्रगमनका पक्षमा रहने पनि उनले स्पष्ट पारेका छन्।
