रवि लामिछानेको दाबी - गृहसचिवस्तरीय निर्णयले म बाहिरिएको हुँ
-
मेराज हास्मी
- today२४ भदौ २०८२
काठमाडौँ । सहकारी ठगी प्रकरणमा थुनामा रहेका रवि लामिछानेले आफू गृहप्रशासनस्तरीय निर्णयका कारण बाहिर आएको दाबी गरेका छन् ।
जेनजी आन्दोलन उग्र बनेपछि रास्वपा समर्थकहरूको प्रयासमा कारागारबाट बाहिरिन सफल भएका रास्वपा सभापति लामिछानेले मंगलबार राति एक भिडियो पोस्ट गर्दै यस्तो बताएका हुन् । कानुनलाई पालना गर्दै आफू कारगारभित्रै बसेको उनले भिडियोमा बताएका छन् । 'म नियम कानुनको परिधिभित्र बस्न चाहेको मान्छे हुँ, मेरो तापक्रम बढेर १८० पुग्दा मैले अस्पतालको शय्या खोजेको होइन, आज पनि म निस्किन चाहेको होइन ।'
सुरक्षा खतरा बढेको भन्दै आफूलाई बाहिर निकालिएको उनले भिडियो दाबी गरेका छन् । उनले आफू थुनामुक्त भएको कागज पनि उनले त्यस क्रममा पढेर सुनाएका थिए । गृहसचिवको आदेश अनुसार आफू बाहिरिएको उनले पटक पटक दाबी गरेका छन् । यद्यपि कानुनलाई आफूले सघाउनले उनले बारम्बार दोहोर्याएका छन् । र आफू एक्लै भए पनि फेरि कारागार जान तयार रहेको उनले स्पष्ट पारेका छन् ।
त्यस क्रममा उनले केही अपिल गरेका छन् ।
१. रबि लामिछाने अहिले कुनै राजनीतिक पदको आशा, लोभ र दौडमा छैनन ।
२. कानूनलाई सघाउदै कारागारले रिहाई गर्ने निर्णय सहितको पत्र प्राप्त गरेपछी मात्र नागरिकको भिडसगै बाहिरियका हुन । कानुनी प्रक्रियालाई सघाउन सदैब तयार छन ।
३. अबको नागरिक सरकार जेनजी को चाहना बमोजिम हुनु पर्छ।
