हिंसात्मक घटनाप्रति विदेशी दूतावासहरूको गम्भीर चिन्ता
-
बिशाल यादब
- today२३ भदौ २०८२
काठमाडौं। ‘जेन–जी’ को अगुवाइमा काठमाडौंसहित देशका मुख्य सहरमा प्रदर्शनका क्रममा भएको हिंसात्मक घटनाप्रति अन्तर्राष्ट्रिय समुदायले गहिरो चिन्ता व्यक्त गरेका छन्।
आज जारी संयुक्त वक्तव्यमा दूतावासहरूले पीडित परिवार र प्रभावित व्यक्तिहरूप्रति समवेदना व्यक्त गर्दै घाइतेहरूको शीघ्र स्वास्थ्यलाभको कामना गरेका छन्।
विज्ञप्तिमा शान्तिपूर्ण सभा र अभिव्यक्ति स्वतन्त्रताको सार्वभौमिक अधिकारप्रति आफ्नो दृढ समर्थन रहेको उल्लेख गर्दै दूतावासहरूले सबै पक्षलाई संयम अपनाउन, परिस्थितिलाई थप बिग्रन नदिन र शान्तिपूर्ण समाधान खोज्न आग्रह गरेका छन्। साथै, नागरिकका मौलिक अधिकार सुनिश्चित गर्न पनि जोड दिएका छन्।
