जनताको पैसामा रजाई, पत्रकारलाई होच्याउने विश्रामपुर गाउपालिकको प्रशासकीय अधिकृत !
-
संजय कुशवाहा
- today१९ भदौ २०८२
बारा जिल्ला विश्रामपुर गाउँपालिकाका प्रमुख प्रशासकीय अधिकृत सुनिल केसरीले एक पत्रकारसँगको भेटघाटमा पत्रकारलाई नै होच्याउँदै अभद्र अभिव्यक्ति दिएका छन्। उनले “१३५ पत्रिका छन् र झन्डै दोब्बर पत्रकार, कसलाई दिने?” भन्दै पत्रकारलाई भ्रष्टाचारको हिस्सा खोज्ने जस्तो अपमानजनक टिप्पणी गरे।
यसको जवाफमा पत्रकारले कठोर शब्दमा प्रश्न उठाए “तपाईँ दोस्रो कार्यकालमा विश्रामपुर किन आइपुग्नुभयो? अरु नगरपालिका र महानगरपालिका थिएनन्? सेवा दिन आउनुभएको हो कि भ्रष्टाचार गर्न?”पत्रकारले स्पष्ट भने “तपाईं भ्रष्टाचार नगर्नुस्, कसैलाई दिनुपर्दैन। पत्रकारलाई दिने परिपाटी किन? के तपाईं भ्रष्टाचार लुकाउन बाँड्ने खेलमा लाग्नु भएको हो?”
यस्ता टिप्पणी र रवैयाले स्पष्ट देखाउँछ कि स्थानीय तहका प्रशासकीय अधिकृत र प्रतिनिधि जनताको पैसामा मौज गर्दै, भ्रष्टाचारको ढाल बनाउन पत्रकार र मिडियालाई प्रयोग गर्ने षड्यन्त्रमा छन्। तर जनता अब मूकदर्शक मात्र रहनेवाला छैन।
आज सरकारको उदासीनता, भ्रष्टाचारमाथि कठोर कानुनको अभाव र मिलेमतो संस्कृतिका कारण जनता कङ्गाल भएका छन् भने अधिकृत र जनप्रतिनिधि मालामाल छन्। तर, स्मरण रहोस् — जनता जागेपछि कुनै भ्रष्टाचारी टिक्दैन। त्यो दिन पक्कै आउँछ।
