भीठामोड सीमानाकालाई पर्यटकमैत्री बनाउने तयारी भइरहेको मन्त्री कुशवाहाले जानकारी दिए।
-
मेराज हास्मी
- today१९ भदौ २०८२
न्यूज ब्यूरो, जनकपुरधाम।
मधेश प्रदेशका उद्योग, वाणिज्य तथा पर्यटन मन्त्री ई. बसन्त कुशवाहाले महोत्तरीस्थित भीठामोड सीमा नाका निरीक्षण गरी त्यहाँका पूर्वाधार र पर्यटन सम्भावनाबारे मूल्यांकन गरेका छन्।
स्थलगत अवलोकनका क्रममा मन्त्री कुशवाहाले आव्रजन प्रक्रिया, सुरक्षा व्यवस्था, सेवा सुविधा र भौतिक पूर्वाधारको अवस्थाबारे जानकारी लिँदै भीठामोडलाई पर्यटकमैत्री सीमानाका बनाउने योजनामा मन्त्रालय अघि बढिरहेको बताए।
मन्त्रालयका अनुसार, भीठामोड नाकामा आधुनिक आव्रजन सेवा, पर्यटन सूचना केन्द्र, यातायात तथा आवास सुविधा विस्तार, सुरक्षा मजबूती, साथै मधेश प्रदेशका ऐतिहासिक, धार्मिक र सांस्कृतिक गन्तव्य प्रवर्द्धन गर्ने कार्यक्रम छिट्टै कार्यान्वयन गरिनेछ।
सरकारको यो प्रयासले भीठामोडलाई सुरक्षित र व्यवस्थित नाका बनाउनुका साथै मधेश प्रदेशको पर्यटन विकासमा नयाँ आयाम थप्ने अपेक्षा गरिएको छ।
