सरकारी निर्देशनपछि एनसेलले सामाजिक सञ्जाल बन्दबारे सूचना जारी गर्यो
-
बिरेन्द्र यादब
- today१९ भदौ २०८२
१९ भदौ, काठमाडौं ।मोबाइल तथा इन्टरनेट सेवा प्रदायक कम्पनी एनसेल ले सरकारले प्रतिबन्ध लगाएका सामाजिक सञ्जालहरू आफ्ना मोबाइल डाटा सेवामार्फत नचल्ने जानकारी दिएको छ।एक विज्ञप्ति जारी गर्दै कम्पनीले यस कारण उत्पन्न हुनसक्ने असुविधाप्रति प्रयोगकर्तासमक्ष क्षमायाचनासमेत गरेको छ।
सरकारले सूचीकृत नभएका २६ सामाजिक सञ्जाल प्लेटफर्महरूमा प्रतिबन्ध लगाउने निर्णय गरेपछि त्यसको चौतर्फी विरोध र आलोचना भइरहेको छ।यही सन्दर्भमा एनसेलले सरकारको निर्देशनअनुसार ती प्लेटफर्महरू अब आफ्ना मोबाइल डाटा सेवाबाट पहुँचयोग्य नहुने जानकारी सार्वजनिक गरेको छ।
