रास्वपाका सचिव वदन भण्डारीमाथि काठमाडौंको कपनमा हमला

अनजित राउत कुर्मि
today१९ भदौ २०८२

काठमाडौं । राष्ट्रिय स्वतन्त्र पार्टी (रास्वपा) का सार्वजनिक मामिला विभाग सचिव वदन भण्डारीमाथि गएराति काठमाडौंको कपनस्थित प्रगति चोकमा आक्रमण भएको छ।

भण्डारीका अनुसार तीन जना युवाहरू मोटरसाइकलमा नम्बर प्लेट छोपेर आएर आक्रमण गरेका थिए। तीमध्ये दुई जनाले रडले प्रहार गर्दा उनको टाउकोमा गम्भीर चोट लागेको छ र करिब १० वटा टाँका लगाउनु परेको छ। आक्रमणकै क्रममा उनी सवार गाडीमा समेत तोडफोड गरिएको छ।

भण्डारीले केही समयअघि नारी टिभीमा दिएको अन्तरवार्तालाई लिएर आफूलाई धम्कीहरू आइरहेको र केही दिनअघि अज्ञात व्यक्तिहरू कार्यालयमै आएर आफ्नो बारेमा सोधपुछ गरेको बताएका छन्।

;