गोंगबुमा ४ करोड नगदसहित करिब ३ केजी सुनका गहना फेला, ७६ वर्षीय विनोद श्रेष्ठ पक्राउ
-
बिशाल यादब
- today१७ भदौ २०८२
काठमाडौँ — काठमाडौँको गोंगबुस्थित एक घरबाट ठूलो मात्रामा नगद र सुन बरामद भएको छ। काठमाडौँ महानगरपालिका–२६, गोंगबु टाउन प्लानिङ क्षेत्रमा रहेको विनोद श्रेष्ठको घरबाट करिब ४ करोड रुपैयाँ नगदसहित झण्डै ३ केजी सुनका गहना फेला परेको हो।
जिल्ला प्रहरी परिसर काठमाडौँका प्रमुख एसपी अपिल बोहरा का अनुसार गहनाको तौल अझै तोलिने क्रम जारी छ। उनले भने, "अहिलेसम्म करिब ३ केजी गहना फेला परिसकेको छ, थप तौल गर्ने काम भइरहेको छ।"
प्रहरीले अवैध सम्पत्ति राखेको आरोपमा गोरखा नगरपालिका–१ निवासी ७६ वर्षीय विनोद श्रेष्ठलाई नियन्त्रणमा लिएको छ। उनको घरमा छापा मारेर प्रहरीले नगद र गहना बरामद गरेको हो।
अहिले घटनाबारे थप अनुसन्धान भइरहेको प्रहरीले जनाएको छ।
