३ जना मृतावस्थामा फेला
-
बिशाल यादब
- today६ भदौ २०८२
काठमाडौँ । देशका विभिन्न जिल्लामा ३ जना व्यक्तिहरू शुक्रबार मृतावस्थामा फेला परेका छन् ।
गुल्मीको इस्मा गाउँपालिका–२ छल्दिटारस्थित छल्दिखोलाको किनारमा सोही गाउँपालिका–१ का ५४ वर्षीय मान बहादुर कुमाल मृत फेला परेका छन् ।
त्यसैगरी, कपिलवस्तु जिल्ला वाणगंगा नगरपालिका–११ महुवाबारीस्थित आफ्नै घरमा ४२ वर्षीया जुना परियार मृत अवस्थामा भेटिएकी छन् ।
रूपन्देहीको लुम्बिनी सांस्कृतिक नगरपालिका–४ मनौरी बस्ने ८५ वर्षीया उत्तममति सोनार पनि सोही नगरपालिका–८ मा रहेको माछा पोखरीमा मृत अवस्थामा फेला परेकी छन् ।
उक्त घटनाबारे आवश्यक अनुसन्धान अघि बढाइरहेको प्रहरीले जनाएको छ ।
