बीरगंज भन्सारका प्रशासक लामिछानेको सरुवा , ज्ञवालीलाई जिम्मेवारी
-
संजय कुशवाहा
- today३१ श्रावण २०८२
बीरगंज भन्सार कार्यालयको प्रमुख भन्सार प्रशासक दीपक लामिछानेको सरुवा भएको छ । लामिछानेलाई उपमहालेखा नियन्त्रकको जिम्मेवारीमा खटाइएको अर्थ मन्त्रालयले जनाएको छ ।
अर्थ मन्त्रालयले केहि सहसचिवहरूको जिम्मेवारी शुक्रबार फेरबदल गरेपछी उनको सरुवा भएको हो । अब बीरगंज भन्सार कार्यालयको प्रमुख भन्सार प्रशासक विष्णुप्रसाद ज्ञवालीलाई जिम्मेवारी दिइएको छ ।
यस्तै दीलिपकुमार गौतम ठूला करदाता कार्यालयको प्रमुख कर प्रशासक बनेका छन् । पदमकुमार श्रेष्ठलाई मध्यमस्तरीय करदाता कार्यालयको प्रमुख कर प्रशासक बनाइएको छ ।
रमेश अर्याल आन्तरिक राजस्व विभाग उपमहानिर्देशक बनेका छन् । जनकराज शर्मालाई समेत उपमहालेखा नियन्त्रकको जिम्मेवारी दिइएको छ ।
यस्तै सुमन दाहाल बजेट तथा कार्यक्रम महाशाखा प्रमुख बनेका छन् । यसअघि भन्सार विभाग महानिर्देशक रहेका महेश भट्टराई आर्थिक नीति विश्लेषण महाशाखा प्रमुखका रूपमा सरुवा भएका छन् ।
त्यस्तै श्यामप्रसाद भण्डारीलाई भन्सार विभाग महानिर्देशकको जिम्मेवारी दिइएको छ । टंकप्रसाद पाण्डेलाई योजना, अनुगमन तथा मूल्यांकन महाशाखा प्रमुख बनाइएको छ ।
त्रिभुवन अन्तर्राष्ट्रिय भन्सार कार्यालय प्रमुखमा टंकनाथ लम्साललाई खटाइएको छ । भरतमणि पाण्डेलाई भन्सार विभागको उपमहानिर्देशक बनाइएको छ ।
