रक्सौलमा मानव तस्करीको प्रयास विफल, नाबालिग बालिका तस्करको चंगुलबाट उद्धार
-
संजय कुशवाहा
- today२८ श्रावण २०८२
वीरगंज रक्सौलसूत्रबाट प्राप्त गोप्य सूचनाका आधारमा मानव तस्करी नियन्त्रण इकाई (AHTU) प्रभारीले विशेष टोली गठन गरी प्रयास जुभेनाइल एड सेन्टर, पूर्वी चम्पारण र स्वच्छ रक्सौल बिहार (एनजीओ) सँग मिलेर बाटा चौक तथा वरपरका क्षेत्रमा खोजतलासी अभियान सञ्चालन गरे। सूचनाअनुसार, एएचटीयू टोलीले मैत्री पुल, रक्सौल नजिक भारतबाट नेपालतर्फ जाँदै गरेका तीन जना शंकास्पद व्यक्तिहरूलाई रोकेर सोधपुछ गर्यो। तीसँग एक नाबालिग हिन्दू बालिका पनि थिइन्। अनुसन्धानमा थाहा भयो कि मुख्य आरोपी मोहम्मद फरहानले सामाजिक सञ्जालमार्फत बालिकासँग मित्रता गाँसी विवाहको प्रलोभन देखाई नेपाल लैजाने योजना बनाएको रहेछ। अन्य दुई आरोपी राजा अली र सगीर आलम पनि यस योजनामा संलग्न थिए। तस्करहरूले हाजीपुरबाट बालिकालाई रक्सौल ल्याएका थिए र उनलाई वीरगञ्जमा राखी पोखरा लैजाने, त्यसपछि देहरादून पठाउने योजना थियो। काउन्सिलिङका क्रममा थाहा भयो कि बालिकाको परिवारले उनको हराएको उजुरी पटना स्थित रामकृष्ण नगर प्रहरी चौकीमा दर्ता गराएका थिए। टोलीको तत्काल कारबाहीबाट नाबालिगलाई सुरक्षित उद्धार गरियो र तीनै जना तस्करहरूलाई पूर्वी चम्पारणको हरैय्या प्रहरी चौकीमा बुझाइयो। उद्धार अभियानमा एएचटीयू, एसएसबीबाट निरीक्षक विकास कुमार, स.उ.नि. खेमराज, हवलदार अरविन्द द्विवेदी, महिला सिपाही नीतू कुमार र सेतू लक्ष्मी, प्रयास संस्थाबाट आरती कुमारी, राज गुप्ता तथा स्वच्छ रक्सौल संस्थाबाट रणजीत सिंह र साबरा खातुन संलग्न थिए।
