पर्सामा सम्बन्धविच्छेदका मुद्दा धेरै
-
बिशाल यादब
- today२८ श्रावण २०८२
बीरगंज (पर्सा)। पर्सा जिल्ला अदालतमा गत आर्थिक वर्षमा घरेलु हिंसाभन्दा सम्बन्धविच्छेदका मुद्दा बढी दर्ता भएको पाइएको छ। जिल्ला अदालतका न्यायाधीश नन्दकिशोरप्रसाद यादवका अनुसार, गत आर्थिक वर्षमा ३४३ वटा सम्बन्धविच्छेदका मुद्दा दर्ता भएका थिए, जसमध्ये २६४ वटा फछ्र्योट भएका छन्।
यादवले घरेलु हिंसाका मुद्दाहरू स्थानीय तहको न्यायिक समिति र प्रहरीमै मेलमिलाप हुने हुँदा सम्बन्धविच्छेदका मुद्दाको संख्या बढेको बताएका छन्। वैदेशिक रोजगारीलाई पनि सम्बन्धविच्छेदको एक प्रमुख कारण मानिएको छ।
गत आर्थिक वर्षमा पर्सामा ९५ वटा घरेलु हिंसासम्बन्धी मुद्दा दर्ता भएका थिए, जसमध्ये ५३ वटा फछ्र्योट भइसकेका छन्। यस्तै, जबरजस्ती करणीका ९८ वटा मुद्दा दर्ता भएकामा ५६ वटाको फैसला भएको छ।
