विराटनगर स्थित बालसुधार गृहमा झडप
-
बिशाल यादब
- today२८ श्रावण २०८२
विराटनगरस्थित एक बाल सुधार गृहमा बुधबार झडप भएको छ। विराटनगर वडा नम्बर ३ दुधफारम पूर्वतर्फ रहेको सो गृहमा दिउँसो झडप भएको प्रहरीले जनाएको छ ।
झडप नियन्त्रणका लागि पुगेका एक जना वरिष्ठ हवलदार प्रहरी घाइते भएको प्रहरीले जनाएको छ ।
२ सय ४९ जनालाई राखिएको सुधार गृहमा थप घटना हुन नदिनका लागि मोरङका प्रहरी प्रमुख प्रहरी उपरीक्षक नारायण चिमरिया, प्रमुख जिल्ला अधिकारी इन्द्रदेव यादवसहितको टोली पुगेको छ ।
घटनाबारे जाँचबुझ भइरहेको जनाएका प्रमुख जिल्ला अधिकारी यादवले हाल सुधार गृहको अवस्था शान्त रहेको बताए ।
