गर्भवती भाउजूको पेटमै अजन्मिएको ज्यान लिएर हिँडे सुनिता यादव र उनका बहिनीहरू — पर्सा प्रहरीद्वारा अपराधीलाई ‘VVIP’ सुविधा, पीडितलाई अन्याय
-
संजय कुशवहा
- today११ असार २०८२
बिरगंज पर्सा, नेपाल — देशभर आक्रोश फैलाउने यो घटना पर्सामा घटेको हो। जानकी स्कुलकि प्रिन्सिपल सुनिता यादव नामकी महिलाले आफ्नी दुई बहिनीहरू – पुनम यादव र अमृता यादव – सँग मिलेर आफ्नै गर्भवती भाउजूलाई घरमै घेरा हाल्दै नियन्त्रणमा लिई क्रूरतापूर्वक कुटपिट गरिन्। कुटपिट यति भीषण थियो कि भाउजुको गर्भपतन (miscarriage) भएको चिकित्सकीय रूपमा पुष्टि भइसकेको छ।
यो केवल पारिवारिक झगडा होइन, यो मानवता, नारीत्व र कानूनमाथि खुला हमला हो। एउटा पुरानो कहावत छ — "जङ्गलमा पनि बाघले गर्भवती जनावरलाई शिकार गर्दैन," तर सुनिता यादव र उनका बहिनीहरूले त्यसभन्दा पनि तल झरेर नारीद्वारा नारीमाथि यस्तो कुकर्म गरे जसले सम्पूर्ण समाज रचाउने "मातृत्व" र "ममता" माथि प्रश्नचिन्ह खडा गरिदिएको छ।
अजन्मिएको बच्चाको मृत्यु – अपराध कि पाप? यो घटनाले एउटा मासुम जीवन गुमायो – त्यो बच्चा जो अझै जन्मिएको थिएन, उसले संसार देख्नुअघि कुटपिट र आक्रोशको बलिमा चढ्नुपर्यो। एक नारीमाथि कुटपिट, त्यो पनि गर्भवती अवस्थामा। के कानूनसँग यसको क्षतिपूर्ति छ? के न्याय यति सस्तो भयो? अपराध गरेकी सुनिता यादवको ‘राजसी सेवा’ यो घटनाको अर्को शर्मनाक पाटो के हो भने, पर्सा प्रहरीले सुनिता यादवलाई पक्राउ गरेपछि न त महिला सेलमा राख्यो, न त जेलमा, बरु दबाब र प्रभावमा परेर उनलाई नारायणी अस्पतालको शीतल कोठा' मा VVIP व्यवहारसहित राखिएको छ। आज नौ दिन भयो, तर कुन रोगको उपचार भइरहेको छ? न मेडिकल रिपोर्ट सार्वजनिक छ, न चार्जशीट अघि बढाइएको छ।
पुनम यादव र अमृता यादव अझै पनि फरार घटनामा संलग्न दुई अभियुक्त पुनम यादव र अमृता यादव फरार छन्। प्रहरीले अहिलेसम्म तिनीहरूलाई पक्राउ गर्न कुनै ठोस पहल गरेको देखिँदैन। के प्रहरी बल केवल सर्वसाधारणका लागि हो? --- नागरिक समाज, महिला आयोग र सरकार कहाँ छन्? आज यो मुद्दा केवल घरेलु हिंसा वा परिवारको आन्तरिक मामिला होइन — यो नारीमाथि नारीको अत्याचार, कानूनको पक्षपात, र प्रहरी प्रणालीको बेवास्ताको जीवित प्रमाण हो। कसले देला मृत बच्चाको न्याय? कसले पुगोला कुटपिटबाट बाँचिरहेकी ती महिलाको पीडा? कसले देला देशका जनतालाई विश्वासको प्रत्याभूति?
