आशुतोष चतुर्वेदी कुटपिट काण्डमा नयाँ मोड, उनकै विरुद्ध पक्राउ पुर्जी
-
बिराज यादव
- today१३ चैत्र २०८१
वीरगन्जमा प्रहरी, पत्रकार र वडाध्यक्षको विवादले नयाँ मोड लिएको छ। वडाध्यक्ष आशुतोष चतुर्वेदीमाथि कुटपिट गर्ने समूहविरुद्ध पक्राउ पुर्जी जारी भएपछि, अब उनकै विरुद्ध पनि आज पक्राउ पुर्जी जारी भएको छ।
जिल्ला अदालत पर्साले वडाध्यक्ष चतुर्वेदीलाई पक्राउ गर्न अनुमति दिएको हो। यो घटनामा दुवै पक्षले एकअर्काविरुद्ध उजुरी दिएका थिए। वडाध्यक्षलाई कुटपिट गर्ने समूहले सरकारी वकिलको कार्यालयमा दिएको निवेदनको आधारमा उनको विरुद्ध पक्राउ पुर्जी जारी भएको हो।
पर्सा प्रहरी प्रमुख एसपी गौतम मिश्रका अनुसार, अब दुवै पक्षलाई पक्राउ गरी अनुसन्धान अगाडि बढाइनेछ। यो घटनाले वीरगन्जमा सनसनी मच्चाएको छ र स्थानीय समुदायमा यसको चर्चा व्यापक छ।
