बिरगंजमा ग्लोबल मनी विक मनाइयो, वित्तीय सचेतना र्याली सम्पन्न।
-
बिरेन्द्र यादब
- today९ चैत्र २०८१
बिरगंज, चैत ९ – ग्लोबल मनी विक को अवसरमा बिरगंजमा "Think Before Follows, Wise Money Tomorrow" नारासहित वित्तीय सचेतना र्याली आयोजना गरियो।
कार्यक्रमको उद्देश्य वित्तीय साक्षरता बढाउँदै नागरिकलाई जिम्मेवार वित्तीय निर्णय गर्न प्रेरित गर्नु थियो। र्यालीमा गरिमा विकास बैंक, महालक्ष्मी विकास बैंक, लुम्बिनी विकास बैंक, कर्पोरेट डेभलपमेन्ट बैंक, सांग्रिला डेभलपमेन्ट बैंक, मुक्तिनाथ विकास बैंक, कामना सेवा विकास बैंक लगायतका विकास बैंकहरू तथा गुर्खास फाइनान्स, सेन्ट्रल फाइनान्स, बेस्ट फाइनान्स, मञ्जुश्री फाइनान्स, गुहेश्वरी फाइनान्स, प्रोग्रेसिभ फाइनान्स जस्ता वित्तीय संस्थाहरूले सहभागिता जनाए।
र्यालीमा सहभागीहरूले बजेट निर्माण, बचतको महत्व, लगानी सचेतना, र वित्तीय ठगीबाट जोगिने उपायहरू सम्बन्धी सन्देशसहित प्लेकार्ड बोकेका थिए। र्याली शहरको मुख्य भाग हुँदै विभिन्न स्थानहरूमा परिक्रमा गरियो, जसले स्थानीयहरूको ध्यानाकर्षण गर्यो।
कार्यक्रमका वक्ताहरूले ग्लोबल मनी विकले सबैलाई जिम्मेवार वित्तीय निर्णय गर्न प्रोत्साहित गर्ने अवसर प्रदान गर्ने बताए। साथै, बचत गर्ने बानी, लगानीको सही तरिका, ऋण व्यवस्थापन, र अनावश्यक खर्च नियन्त्रण जस्ता विषयमा जनचेतना फैलाइयो।
र्यालीले वित्तीय सचेतना अभिवृद्धि गर्दै व्यक्तिगत वित्तीय योजनाको महत्व उजागर गरेको छ। आयोजकहरूले यस्तो अभियानले समाजमा दीर्घकालीन वित्तीय स्थिरता ल्याउन सहयोग पुग्ने विश्वास व्यक्त गरे।
