जनतासँग मओवादी : प्रचण्डको मर्निङ्गवाकसँगै जनतासँग भेटघाट
-
बिरेन्द्र यादब
- today८ चैत्र २०८१
वीरगञ्ज । माओवादी केन्द्रका अध्यक्ष एवं पुर्वप्रधानमन्त्री पुष्पकमल दाहाल प्रचण्ड आज विहान मर्निङ्गवाकसँगै जनतासँग भेटघाट गरेका छन् । प्रचण्ड सहित वीरगंज आएका शिर्ष नेताहरुको टोलीले आज विहान वीरगंजको विभिन्न ठाउँको अवलोकन गर्दै जनतासँग भेटघाट गरेका हुन् ।
प्रचण्डसहित शिर्ष नेताहरुको टोलीले वीरगञ्जको गण्डक बहुअरीबाट मर्निङ्गवाक गर्दै घण्टाघर, मकालु चोक, आदर्शनगर चोक, घडिअर्वा पोखरी, माईस्थान चोकको अवलोकन गर्दै जनतासँग भेटघाट गरेको छ ।
वीरगञ्जका मेयर राजेशमान सिंहले पनि प्रचण्डलाई स्वागत गरेका छन् । मेयर सिंहले आज विहान प्रचण्डसँग भेटघाट गरी वीरगञ्जको समस्या बारे जानाकरी गराएका छन् । मर्निङ्गवाककै क्रममा वीरगञ्जको चर्चित चिया पसल बब्लु टी पसलमा चिया खाएका छन् ।
उनीसँग मर्निङ्गवाकमा पार्टीका सदस्य, भातृ संस्थाका प्रतिनिधी, सदस्य लगायतको सहभागी थियो । उनी अबको साढे ९ बजे पानीटंकी स्थित डायमण्ड पार्टी प्यालेसमो नागरिक संवाद तथा पत्रकार सम्मेलनमा सहभागी हुनेछन् ।
त्यसपछि विन्दवासिनी गाउँपालिकामा सहिद मुकेश चौरसियाको घरमा खाना खाने र भहुअर्वाभाठामा आयोजना हुने जनसभालाई सम्बोधन गर्ने कार्यक्रम रहेको प्रचण्डका स्वकिय सचिव गोविन्द आचार्यले जानकारी दिए । त्यसपछि ठोरीको आठघरेमा हुने जनसभालाई सम्बोधन गरेर त्यहिबाट चितवन प्रवेश गर्ने कार्यक्रम रहेको छ ।
